អភិបាលតំបន់ Zaporizhzhia និយាយថា ការវាយប្រហាររបស់រុស្ស៊ីលើពន្ធនាគារកម្រិតធ្ងន់ ស្ថិតក្នុងតំបន់ព្រំដែន Zaporizhzhia កាលពីយប់កន្លងទៅ បានសម្លាប់មនុស្ស ១៦នាក់ និងមនុស្ស ៣៥នាក់ផ្សេងទៀត រងរបួស ។

សេវាកម្មពន្ធនាគារកម្រិតធ្ងន់រដ្ឋអ៊ុយក្រែន បានចុះផ្សាយរូបថតសន្លឹកឃើញពន្ធនាគាររងការវាយប្រហារ ។

អភិបាលតំបន់ Zaporizhzhia លោក Ivan Fedorov និយាយនៅលើសារបង្ហោះតាមបណ្តាញព័ត៌មានសង្គម Telegramថា អគារកែប្រែ រងការបំផ្លិចបំផ្លាញ ហើយផ្ទះសម្បែងឯកជននៅក្បែរនោះ បានរងការខូចខាតផងដែរ ។

នាយសេនាធិការកងទ័ពអ៊ុយក្រែនលោក Andriy Yermak បានថ្កោលទោសការវាយប្រហារនេះ និងចាត់ទុកវាថា ជាឧក្រិដ្ឋកម្មសង្រ្គាមប្រព្រឹត្តដោយរុស្ស៊ី ។

ដោយឡែក ប្រធានាធិបតីអ៊ុយក្រែនលោក Volodymyr Zelenskyy និយាយថា ការវាយប្រហារតាមច្រកអាកាសរុស្ស៊ីកាលពីយប់កន្លងទៅលើអ៊ុយក្រែន បានសម្លាប់មនុស្ស ២២នាក់ ហើយមនុស្ស ៨៥នាក់ផ្សេងទៀត រងរបួស រយៈពេល ១ថ្ងៃប៉ុណ្ណោះ ក្រោយប្រធានាធិបតីសហរដ្ឋអាមេរិកលោក Donald Trumpនិយាយថា លោកនឹងដាក់ឱសានវាទថ្មីរយៈពេលត្រឹម ១០ថ្ងៃ ឬ ១២ថ្ងៃប៉ុណ្ណោះ ឲ្យរុស្ស៊ីបោះជំហានឆ្ពោះទៅរកការបញ្ចប់សង្រ្គាមអ៊ុយក្រែន ៕