ប្រទេសជប៉ុន រាយការណ៍ថា រលកស៊ូណាមិកម្ពស់រហូតដល់ ៥០សង់ទីម៉ែត្រ ត្រូវបានកត់ត្រានៅកំពង់ផែ Ishinomaki ដែលជាទីក្រុងសំខាន់ក្នុងខេត្ត Miyagi នៅឆ្នេរសមុទ្រភាគខាងកើត ក្នុងថ្ងៃពុធ ៣០ កក្កដា នេះ បន្ទាប់ពីគ្រោះរញ្ជួយដីទ្រង់ទ្រាយធំ បានវាយប្រហារនៅតំបន់ចុងបូព៌ារបស់ប្រទេសរុស្ស៊ី។

នៅកន្លែងផ្សេងទៀត រលកយក្សស៊ូណាមិទីមួយកម្ពស់ចាប់ពី ២០ ទៅ ៤០សង់ទីម៉ែត្រ ក៏ត្រូវបានរាយការណ៍ផងដែរ ប៉ុន្តែអាជ្ញាធរជប៉ុននិយាយថា រលកទីពីរ និងទីបីអាចមានទំហំធំជាងនេះ។

ប្រព័ន្ធផ្សព្វផ្សាយរដ្ឋ NHK World បានព្រមានមុននោះថា រលកយក្សស៊ូណាមិមានកម្លាំងខ្លាំងក្លាជាងរលកធម្មតា ហើយរលក កម្ពស់៥០សង់ទីម៉ែត្រ អាចផ្ទុកកម្លាំងរហូតដល់ ២០០គីឡូក្រាម យ៉ាងគ្រោះថ្នាក់៕