ពលរដ្ឋអ៊ីស្រាអែលមួយចំនួនបានបដិសេធទុរ្ភិក្សនៅតំបន់ហ្កាហ្សា ខណៈអ្នកផ្សេងទៀតបានចេញតវ៉ានៅខាងក្រៅស្ថានទូតអាមេរិកកាលពីថ្ងៃអង្គារ ដោយជំរុញឱ្យបញ្ចប់ភាពអត់ឃ្លាន បន្ទាប់ពីអង្គការឃ្លាំមើលភាពអត់ឃ្លាន បានព្រមានអំពីទុរ្ភិក្សនិងភាពស្រេកឃ្លានទាក់ទងនឹងអ្នកស្លាប់នៅក្នុងតំបន់ហ៊ុមព័ទ្ធមួយនេះ។ មេធាវីអាយុ២៨ឆ្នាំម្នាក់ ឈ្មោះ Orit Maimon បាននិយាយថា «ខ្ញុំមិនគិតថាមានទុរ្ភិក្សនៅតំបន់ហ្កាហ្សានោះទេ»។

និស្សិតអ៊ីស្រាអែលនាង Noy Ravitz បាននិយាយថា នាងមិនជឿថាពលរដ្ឋប៉ាឡេស្ទីន កំពុងទប់ទល់ចំពោះវិបត្តិភាពអត់ឃ្លានទេ «ខ្ញុំពុំបានមើលឃើញអ្វីដោយផ្ទាល់ភ្នែកឡើយ»។ ការព្រមានធ្វើឡើងដោយអង្គការបែងចែកដំណាក់កាលសន្តិសុខស្បៀង(IPC)រួមបញ្ចូលគ្នា ដែលបានចេញកាលពីថ្ងៃអង្គារបាននិយាយថា «ភស្តុតាងបង្ហាញថាភាពអត់ឃ្លានបានរាលដាល កង្វះអាហារូបត្ថម្ភ និងជំងឺកំពុងជំរុញឱ្យមានការកើនឡើងអ្នកស្លាប់ទាក់ទងនឹងភាពអត់ឃ្លាន» នៅក្នុងតំបន់ហ្កាហ្សាស្ទ្រីប។

អង្គការបែងចែកដំណាក់កាលសន្តិសុខស្បៀងរួមបញ្ចូលគ្នា(IPC) មានគំនិតផ្តួចផ្តើមសាកលដែលដៃគូមានក្រុមជំនួយចំនួន២១ក្រុម មានទីភ្នាក់ងារអន្តរជាតិ និងទីភ្នាក់ងារអង្គការសហប្រជាជាតិ និងការវាយតម្លៃពីវិសាលភាពនៃភាពអត់ឃ្លានដែលរងគ្រោះដោយប្រជាជន។ ក្រុមអ្នកតវ៉ាមួយក្រុមតូច បានប្រមូលផ្តុំគ្នានៅខាងមុខស្ថានទូតអាមេរិកក្នុងទីក្រុង Tel Aviv មានកាន់បដានិងរូបភាពកុមារខ្វះអាហារូបត្ថម្ភ។ បដាមួយមានអំណានថា «បញ្ឈប់អំពើប្រល័យពូជសាសន៍» ហើយបដាមួយទៀតមានអំណានថា «តើនរណានឹងការពារប៉ាឡេស្ទីនពីអំពើប្រល័យពូជសាសន៍។

អាជ្ញាធរសុខាភិបាលតំបន់ហ្កាហ្សា បាននិងកំពុងរាយការណ៍ថា មនុស្សកាន់តែច្រើនឡើងៗបានស្លាប់ដោយសារមូលហេតុទាក់ទងនឹងភាពអត់ឃ្លាន។ ចំនួនសរុបមានរហូតដល់ ១៤៧នាក់ ក្នុងចំណោមពួកគេ ៨៨នាក់ ភាគច្រើនបានស្លាប់ក្នុងរយៈពេលប៉ុន្មានសប្តាហ៍ចុងក្រោយនេះ។