មេបញ្ជាការ SDF លោក Mazloum Abdi បាននិយាយថា កងកម្លាំងប្រជាធិបតេយ្យស៊ីរីដឹកនាំដោយជនជាតិឃើដ(SDF) បានត្រៀមខ្លួនជាស្រេច ដើម្បីធ្វើសមាហរណកម្មជាមួយកងទ័ពរបស់រដ្ឋាភិបាលស៊ីរីថ្មី ប៉ុន្តែយល់ថា ដំណើរការនេះ នឹងត្រូវការពេលវេលា។

នៅពេលត្រូវដកស្រង់សម្តីដោយបណ្តាញទូរទស្សន៍ Al Hadath លោកបាននិយាយថា៖«យើងប្តេជ្ញាចំពោះកិច្ចព្រមព្រៀងថ្ងៃទី ១០ ខែមីនា ជាមួយអាជ្ញាធរថ្មីរបស់ស៊ីរី ប៉ុន្តែការអនុវត្តកិច្ចព្រមព្រៀងនេះ នឹងត្រូវការពេលវេលា។

យោងតាមលោក Abdi បានឲ្យដឹងថា សម្ព័ន្ធភាពឃើដ គាំទ្រជំហររបស់រដ្ឋាភិបាលកណ្តាលចំពោះការរួបរួមរបស់ប្រទេសស៊ីរី ជាមួយនឹងកងទ័ពបង្រួបបង្រួម និងមានទង់តែមួយ»។

លោកបាននិយាយថា៖«ការធ្វើសមាហរណកម្មនៃយុទ្ធជនSDFចំនួន ១00.០០០នាក់ ទៅក្នុងក្រសួងការពារជាតិស៊ីរី គឺជាប្រតិបត្តិការទ្រង់ទ្រាយធំ» ដោយបន្ថែមថា ស៊ីរី «នឹងមិនមានកងទ័ពពីរទេ ប៉ុន្តែកងកម្លាំងប្រដាប់អាវុធរួមបញ្ចូលតែមួយប៉ុណ្ណោះ»។

ទាំងកងកម្លាំង SDF និងទីក្រុងដាម៉ាស (Damascus) យល់ស្របថា ស៊ីរី «គួរតែជារដ្ឋសំខាន់មួយ» ហើយ «វិមជ្ឈការ មិនមានន័យថា មានការបែកបាក់នៅក្នុងប្រទេសនេះទេ»។ នៅក្នុងបរិបទនេះ លោកបានកត់សម្គាល់ឃើញថា រដ្ឋាភិបាលថ្មី «បានបញ្ជាក់ពីការត្រៀមខ្លួនរបស់ខ្លួន ក្នុងការទទួលយកការទាមទាររបស់យើង ទាក់ទងនឹងភាសាឃើដ និងប្រពៃណីវប្បធម៌ឃើដ»។ លោកបានពន្យល់ថា កងកម្លាំង SDF ទទូចថា ភាសាឃើដ ត្រូវបានផ្តល់ឋានៈជាផ្លូវការ រួមជាមួយនឹងភាសាអារ៉ាប់ នៅក្នុងតំបន់ស៊ីរី ដែលមានប្រជាជនឃើដរស់នៅ។