នៅថ្ងៃពុធនេះ ប្រធានាធិបតីសហរដ្ឋអាមេរិកលោក Donald Trump និយាយថា សហរដ្ឋអាមេរិកនឹងដាក់ពន្ធ ២៥ភាគរយលើទំនិញនាំចូលពីប្រទេសឥណ្ឌា ចាប់ពីថ្ងៃទី ១ ខែសីហាខាងមុខនេះតទៅ ។

លោក Trumpសរសេរក្នុងសារបង្ហោះលើបណ្តាញព័ត៌មានសង្គម Truth Social ថា ស្របពេលដែលឥណ្ឌាគឺជាមិត្តរបស់ពួកយើង អស់រយៈពេលជាច្រើនឆ្នាំកន្លងមកនេះ ពួកយើងបានធ្វើធុរកិច្ចតិចតួចជាមួយពួកគេ ពីព្រោះថា ពន្ធរបស់ពួកគេខ្ពស់ខ្លាំងពេក នៅក្នុងចំណោមពន្ធខ្ពស់ជាងគេបំផុតនៅលើពិភពលោក ហើយពួកគេមានរបាំងពាណិជ្ជកម្មមិនគួរឲ្យចូលចិត្ត ។

លោក Trumpនិយាយថា ឥណ្ឌានឹងប្រឈមផងដែរទណ្ឌកម្មពុំជាក់លាក់នៅថ្ងៃទី ១ ខែសីហា ប៉ុន្តែលោកពុំបានបរិយាយពីបរិមាណ ឬទណ្ឌកម្មគឺជាអ្វីនោះទេ ។

ប្រធានាធិបតីមកពីគណបក្សសាធារណរដ្ឋរូបនេះ បន្តថា ឥណ្ឌាទិញគ្រឿងយុទ្ធោបករណ៍ និងប្រេងពីរុស្ស៊ី ដែលលោកនិយាយថា វាបានជំរុញឲ្យមានសង្រ្គាមនៅអ៊ុយក្រែន ។ ជាលទ្ធផល លោកមានបំណងដាក់ទណ្ឌកម្មបន្ថែមទៀត ចាប់ពីថ្ងៃសុក្រខាងមុខនេះតទៅ ដែលជាផ្នែកមួយនៃសង្រ្គាមពន្ធរដ្ឋបាលរបស់លោកជាមួយប្រទេសជាច្រើន ៕