ក្រសួងសុខាភិបាលគ្រប់គ្រងដោយក្រុមហាម៉ាសនៅតំបន់ហ្កាហ្សា និយាយថា មនុស្ស ៩១នាក់ ត្រូវបានសម្លាប់ ខណៈពេលពួកគេស្វែងរកជំនួយនៅក្នុងរយៈពេល ១ថ្ងៃកន្លងមកនេះ ហើយមនុស្ស ២នាក់ផ្សេងទៀត បានស្លាប់ដោយសារកង្វះអាហារូបត្ថម្ភ ។ 

ប្រេសិតពិសេសសហរដ្ឋអាមេរិកប្រចាំតំបន់មជ្ឈិមបូព៌ាលោក Steve Witkoff បានធ្វើដំណើរទៅដល់អ៊ីស្រាអែលនៅថ្ងៃនេះ ក្នុងនោះសារព័ត៌មានអ៊ីស្រាអែល រាយការណ៍ថា លោកអាចនឹងបំពេញទស្សនកិច្ចទៅកាន់ទីតាំងចែកចាយជំនួយនៅក្នុងតំបន់ហ្កាហ្សា ។

ការិយាល័យនាយករដ្ឋមន្រ្តីអ៊ីស្រាអែលបានចែករំលែករូបថតសន្លឹកនៃជំនួបរវាងលោកនាយករដ្ឋមន្រ្តី Benjamin Netanyahu និងលោក Witkoff ។

រដ្ឋាភិបាលអ៊ីស្រាអែលពុំបានអនុញ្ញាតឲ្យទីភ្នាក់ងារព័ត៌មានអន្តរជាតិ រួមទាំង BBCចូលទៅក្នុងតំបន់ហ្កាហ្សា ដើម្បីធ្វើសេចក្តីរាយការណ៍ដោយសេរីនោះឡើយ លើស្ថានភាពនៅទីនោះ ។ 

 ខណៈពេលនោះដែរ ប្រធានាធិបតីសហរដ្ឋអាមេរិកលោក Donald Trump និយាយថា ការសម្រេចចិត្តរបស់កាណាដា ក្នុងការទទួលស្គាល់រដ្ឋប៉ាឡេស្ទីន មានតែគំរាមកំហែងដល់កិច្ចព្រមព្រៀងពាណិជ្ចកម្មសហរដ្ឋអាមេរិក-កាណាដាប៉ុណ្ណោះ ៕