អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev ដែលជាប្រធានគណបក្ស United Russia បាននិយាយថា ជម្លោះនៅមជ្ឈិមបូព៌ា គឺទាក់ទងដោយផ្ទាល់ទៅនឹងបញ្ហានុយក្លេអ៊ែរ និងបង្កការគំរាមកំហែងដល់រដ្ឋជិតខាងទាំងអស់។

មន្ត្រីរូបនេះ បានកត់សម្គាល់ថា ព្រឹត្តិការណ៍ជាច្រើន ក្នុងឆ្នាំកន្លងទៅ បានបញ្ជាក់ពីតម្រូវការ ដើម្បីប្រយុទ្ធប្រឆាំងនឹងរបបអាណានិគមនិយម។

លោក Medvedev បានលើកឡើងថា៖«មានព្រឹត្តិការណ៍ជាច្រើន។ យើងដឹងអំពីស្ថានភាពនៅមជ្ឈិមបូព៌ា ពោលគឺជម្លោះរវាងអ៊ីស្រាអែល និងអ៊ីរ៉ង់ ក៏ដូចជាសកម្មភាពបន្តបន្ទាប់របស់សហរដ្ឋអាមេរិក នៅទីនោះ ជាក់ស្តែងបញ្ហានៃធម្មនុញ្ញអង្គការសហប្រជាជាតិ និងភាពស្របច្បាប់នៃឥរិយាបទបែបនេះ កំពុងកើត    ឡើង។ ម្យ៉ាងទៀត នេះគឺជាស្ថានការណ៍ដ៏ស្មុកស្មាញមួយ ដោយសារប្រធានបទនៃជម្លោះនេះ គឺជាបញ្ហានុយក្លេអ៊ែរ ហើយជាការពិតណាស់ ការកើនឡើងភាពតានតឹងនេះ បានបង្កើតហានិភ័យសម្រាប់ប្រទេសជិតខាងទាំងអស់»។