រដ្ឋមន្ត្រីការបរទេសបារាំង លោក Jean-Noel Barrot បាននិយាយនៅថ្ងៃសុក្រនេះថា ប្រទេសបារាំង កំពុងបញ្ជូនយន្តហោះចំនួន ៤គ្រឿង ដែលដឹកជំនួយមនុស្សធម៌ ១០តោនពីប្រទេសហ្ស៊កដានី ទៅកាន់តំបន់ហ្កាហ្សា។ 

លោក Barrot បានប្រាប់ទូរទស្សន៍ franceinfo ថា៖«នេះគឺជាជំនួយសង្គ្រោះបន្ទាន់ ប៉ុន្តែនៅតែមិនគ្រប់គ្រាន់» នៅចំពោះមុខស្ថានភាពដ៏ធ្ងន់ធ្ងរនេះទេ។

អ្នកឃ្លាំមើលភាពអត់ឃ្លានជាសាកល បាននិយាយកាលពីថ្ងៃអង្គារថា ស្ថានភាពគ្រោះទុរ្ភិក្ស កំពុងកើតឡើងនៅក្នុងតំបន់ហ្កាហ្សាស្ទ្រីប ជាមួយនឹងកង្វះអាហារូបត្ថម្ភកើនឡើង កុមារអាយុក្រោម ៥ឆ្នាំ បានស្លាប់ដោយសារមូលហេតុដែលទាក់ទងនឹងភាពស្រេកឃ្លាន និងការទទួលបានជំនួយមនុស្សធម៌ ត្រូវបានរឹតបន្តឹងយ៉ាងខ្លាំង។