ទូរទស្សន៍ Al Arabiya TV បានរាយការណ៍ថា យន្តហោះចម្បាំងរបស់កងទ័ពអាកាសអ៊ីស្រាអែល បានធ្វើការវាយឆ្មក់ចំនួន ១៤លើក ទៅលើមូលដ្ឋានយោធារបស់ក្រុមហេសបូឡា នៅភាគខាងកើតប្រទេសលីបង់ ជាកន្លែងដែលក្រុម Shia បានផលិតនិងរក្សាទុកមីស៊ីល។

យោងតាមព័ត៌មានរបស់ទូរទស្សន៍នេះ  ការវាយប្រហារតាមអាកាសបានវាយប្រហារលើមូលដ្ឋានក្រោមដី និងឃ្លាំងដែលជាកម្មសិទ្ធិរបស់ក្រុមហេសបូឡា Shia នៅតំបន់ភ្នំជាប់ព្រំដែនប្រទេសស៊ីរី ក៏ដូចជាមូលដ្ឋានរបស់ពួកគេ នៅជិតទីក្រុង Baalbek, Brital, Janta, Nabi Shit និង Hermel។

នៅភាគខាងត្បូងប្រទេសលីបង់ ការវាយប្រហារតាមអាកាស បានត្រូវចំសង្កាត់ al-Aaishiyah និង al-Mahmudiya ក៏ដូចជា Wadi Burgouz Gorge ជាកន្លែងដែលប្រយុទ្ធជនហេសបូឡា ត្រូវបានគេមើលឃើញថា កំពុងធ្វើសកម្មភាព។ ពុំមានអ្នករងរបួស ត្រូវបានគេរាយការណ៍ឡើយ។

លើកចុងក្រោយ កងទ័ពអាកាសអ៊ីស្រាអែល បានធ្វើការវាយប្រហារទ្រង់ទ្រាយធំបែបនេះ ទៅលើកន្លែងលាក់ខ្លួន និងឃ្លាំងក្រោមដីរបស់ពួកហេសបូឡា គឺនៅថ្ងៃទី ១៥ ខែកក្កដា។ នៅពេលនោះ មនុស្ស ១២នាក់ បានស្លាប់ និង ៨នាក់ផ្សេងទៀត បានរងរបួស។