​បាល់ទាត់៖ ​ការប្រកួត​រវាង​ម៉ាលី និង​ទុយ​នេ​ស៊ី​នៅក្នុង​ការប្រកួត​ពានរង្វាន់​ទ្វីបអាហ្វ្រិក Africa Cup of Nations បានបញ្ចប់​ទាំង​ចម្រូង​ចម្រាស​ បន្ទាប់ពី​អាជ្ញាកណ្តាល​ផ្លុំ​កញ្ចែ​បញ្ចប់​ការប្រកួត​ទាំង​ម៉ោង​មិន​ទាន់ ៩០​នាទី​។ ​​ម៉ាលី​ស៊ុត​គ្រាប់​ជ័យជំនះ​នៅ​នាទី​ទី៤៨ ដោយ​បាល់​ពិន័យ ១១ម៉ែត្រ​របស់ Ibrahima Kone​។

​​គ្រូបង្វឹក​ក្រុម​ជំរើសជាតិ​ទុយ​នេ​ស៊ី Mondher Kebaier និង​ក្រុមការងារ​បាន​រត់​សំដៅទៅ​អាជ្ញាកណ្តាល Janny Sikazwe បន្ទាប់ពី​នាឡិកា​បញ្ចប់​ការប្រកួត​ត្រឹម ៨៥នាទីមុនពេល​ដែល​ឆែក​នាឡិកា​ម្តងទៀត និង​ឱ្យ​បន្ត​ការប្រកួត​ហើយក៏​ផ្លុំ​កញ្ចែ​បញ្ចប់​ត្រឹម​ស ៨៩នាទី ៤៧វិនាទី​។ ​​អំឡុងពេល​សន្និសីទ​សារព័ត៌មាន ​គណៈកម្មកា​រ​រៀបចំ​ការប្រកួត​ឱ្យ​បន្ត​ប្រកួត​បង្គ្រប់​ម៉ោង​ឱ្យ​ចប់ តែ​ភាគី​ទុយ​នេ​ស៊ី​មិន​ព្រម មុន​ពេលដែល​ម៉ាលី​ត្រូវបាន​ប្រកាសថា​ឈ្នះ​ការប្រកួត​នេះ​។

​​សូមបញ្ជាក់ថា​ អាជ្ញាកណ្តាល​ដែល​ដឹកនាំ​ការប្រកួត​នេះ​គឺ​លោក Janny Sikazwe ធ្លាប់​ដឹកនាំ​ពីរ​ប្រកួត​នៅ FIFA World Cuo 2018 នៅ​រុស្ស៊ី​។ ​​ម៉ាលី​ទទួលបាន​បី​ពិន្ទុ​ពី​ប្រកួត​ដំបូង​របស់ខ្លួន​នៅក្នុង​ពូ​ល F ជាមួយនឹង​ហ្កាំ​ប៊ី​ដែល​បាន​យកឈ្នះ​ម៉ា​រីតា​នី ១-០​។ ​​ងាក​មក​ការប្រកួត​នៅក្នុង​ពូ​ល E មាន​មួយគូ​យប់មិញ​កូ​ឌី​វ័រ​ទទួលបាន​ ៣ពិន្ទុ​ផងដែរ​ក្រោយ​យកឈ្នះ​អា​ក្វា​ទ័​រ​ហ្គី​ណេ ១-០ ដោយ​គ្រាប់​បាល់​របស់​ប្រធាន​ក្រុម Max Gredel តាំងពី​នាទី​ទី៥៕

​អត្ថបទ​៖​នាង សុភា​វុ​ធ