កាលពីថ្ងៃព្រហស្បតិ៍ម្សិលមិញ ប្រធានាធិបតីសហរដ្ឋអាមេរិកលោក Donald Trump បាននិយាយរិះគន់ទង្វើដ៏គួរឲ្យស្អប់ខ្ពើមរបស់រុស្ស៊ីលើអ៊ុយក្រែន ហើយលោកនិយាយថា លោកមានគម្រោងដាក់ទណ្ឌកម្មលើទីក្រុងម៉ូស្គូ បើសិនជាគ្មានកិច្ចព្រមព្រៀងណាឈានដល់ទេនោះ ។

ថ្លែងទៅកាន់ក្រុមអ្នកសារព័ត៌មាននៅការិយាល័យ Oval ស្ថិតក្នុងសេតវិមាន លោក Trumpនិយាយថា លោកមិនប្រាកដថាតើទណ្ឌកម្មនឹងធ្វើឲ្យរុស្ស៊ីខ្លាចញញើតនោះទេ ។ លោកទុកពេលប្រធានាធិបតីរុស្ស៊ីលោក Vladimir Putin ដល់ថ្ងៃទី ៨ ខែសីហា ដើម្បីបង្កើតកិច្ចព្រមព្រៀង បើពុំដូច្នោះទេលោកនឹងឆ្លើយតបជាមួយសំពាធសេដ្ឋកិច្ច ។

លោក Trumpនិយាយថា សម្រាប់រុស្ស៊ី លោកគិតថា វាគឺជារឿងដ៏គួរឲ្យស្អប់ខ្ពើមចំពោះអ្វីដែលពួកគេកំពុងធ្វើ ។ លោកគិតថា វាគួរឲ្យស្អប់ខ្ពើមណាស់ ។ នេះគឺជាសង្រ្គាមរបស់លោក Biden វាមិនមែនជាសង្រ្គាមរបស់លោកនោះទេ ប៉ុន្តែលោកហ៊ាននិយាយថា បើសិនជាលោកចូលរួម លោកនឹង្យាយាមបញ្ឈប់រឿងគ្រប់បែបយ៉ាង ប៉ុន្តែលោកគិតថា អ្វីដែលរុស្ស៊ីកំពុងធ្វើ គឺជារឿងសោកសៅខ្លាំងណាស់ ។ ជនជាតិរុស្ស៊ីច្រើនណាស់ស្លាប់ ពួកគេនឹងស្លាប់ច្រើនជាងនេះទៀត ប៉ុន្តែទន្ទឹមនឹងពលរដ្ឋរុស្ស៊ីស្លាប់ ពលរដ្ឋអ៊ុយក្រែក៏ស្លាប់ដូចគ្នា ។

លោកបន្តថា សហភាពអឺរ៉ុបស្រងាកចិត្ត ប៉ុន្តែនេះគឺជាសង្រ្គាមមួយដែលមិនគួរកើតឡើងទាល់តែសោះ ។ នេះគឺជាសង្រ្គាមមួយនឹងមិនកើតឡើងនោះទេ បើសិនជាលោកគឺជាប្រធានាធិបតី ៕