ប្រភពចំនួនពីរនៃរដ្ឋាភិបាលឥណ្ឌា បានប្រាប់សារព័ត៌មានរ៉យទ័រកាលពីថ្ងៃសៅរ៍ថា ឥណ្ឌានឹងបន្តទិញប្រេងពីរុស្ស៊ី ទោះប្រធានាធិបតីអាមេរិកលោក Donald Trump គំរាមដាក់ទណ្ឌកម្មក៏ដោយ។

ដោយការដំឡើងពន្ធថ្មី ២៥% លើការនាំចេញរបស់ឥណ្ឌាទៅកាន់សហរដ្ឋអាមេរិក លោក Trump បានបង្ហាញនៅក្នុងការបង្ហោះលើបណ្ដាញសង្គម Truth Social កាលពីខែមុនថា ឥណ្ឌាប្រឈមនឹងការពិន័យបន្ថែមសម្រាប់ការទិញអាវុធ និងប្រេងរបស់រុស្ស៊ី។ កាលពីថ្ងៃសុក្រ លោក Trump បានប្រាប់អ្នកសារព័ត៌មានថា លោកបានឮថា ឥណ្ឌានឹងលែងទិញប្រេងពីរុស្ស៊ីទៀតហើយ។  

ប៉ុន្តែប្រភពនានា បាននិយាយថានឹងមិនមានការផ្លាស់ប្តូរភ្លាមៗនោះទេ។

ប្រភពមួយបាននិយាយថា ទាំងនេះគឺជាកិច្ចសន្យាប្រេងរយៈពេលវែង ។វាមិនសាមញ្ញទេក្នុងការឈប់ទិញត្រឹមតែមួយយប់នោះ។

ដោយគ្រាន់តែបញ្ជាក់ពីការទិញប្រេងរបស់ឥណ្ឌាពីរុស្ស៊ី ប្រភពទីពីរបាននិយាយថា ការនាំចូលរបស់ឥណ្ឌាពីរុស្ស៊ីបានជួយបញ្ចៀសការកើនឡើងតម្លៃប្រេងជាសកល ដែលនៅតែធ្លាក់ចុះបើទោះបីជាលោកខាងលិចមានការទប់ស្កាត់លើវិស័យប្រេងរុស្ស៊ីក៏ដោយ។ 

ប្រភពបាននិយាយថា មិនដូចប្រេងអ៊ីរ៉ង់ និងវ៉េណេស៊ុយអេឡា ប្រេងឆៅរបស់រុស្ស៊ីមិនស្ថិតនៅក្រោមការដាក់ទណ្ឌកម្មដោយផ្ទាល់ទេ ហើយឥណ្ឌាកំពុងទិញ ក្រោមតម្លៃបច្ចុប្បន្នដែលកំណត់ដោយសហភាពអឺរ៉ុប៕