ក្រុមបាតុករអ៊ីស្រាអែល បានប្រមូលផ្ដុំគ្នានៅទីលានចតុរង្គចំណាប់ខ្មាំងក្នុងទីក្រុង Tel Aviv កាលពីថ្ងៃសៅរ៍ ទាមទារឲ្យរដ្ឋាភិបាលរបស់លោកនាយករដ្ឋមន្ត្រីអ៊ីស្រាអែល Benjamin Netanyahu បញ្ចប់សង្គ្រាមក្នុងដែនដីហ្កាហ្សា និងធានាការវិលត្រឡប់របស់ចំណាប់ខ្មាំងទាំងអស់។ 

វីដេអូ បញ្ចេញដោយក្រុមហាម៉ាស និងអ៊ីស្លាមជីហាត បង្ហាញពីចំណាប់ខ្មាំង ឈ្មោះ Evyatar David និង Rom Braslavski ស្ថិតក្នុងស្ថានភាពផ្លូវចិត្ត និងសុខភាពរាងកាយទ្រុឌទ្រោមខ្លាំង បានបង្កើនក្ដីបារម្ភក្នុងចំណោមក្រុមគ្រួសាររបស់ពួកគេ។ 

លោក Ofir Braslavsk ឳពុករបស់ចំណាប់ខ្មាំងឈ្មោះ Rom Braslavski បាននិយាយអំឡុងការប្រមូលផ្ដុំនោះថា កូនរបស់ខ្ញុំកំពុងស្លាប់ ខ្ញុំបានមើលឃើញផ្ទាល់ភ្នែក ។ចំណែកលោកនាយករដ្ឋមន្ត្រីក៏បានមើលឃើញដែរ។ហើយលោកនាយករដ្ឋមន្ត្រីដឹងពីស្ថានភាពរបស់កូនប្រុសលោក ក៏ដូចជា ស្ថានភាពនៃចំណាប់ខ្មាំងដ៏ទៃទៀតដែរ ប៉ុន្តែនាយករដ្ឋមន្ត្រីរូបនេះ ពុំបានជ្រើសរើសយកការជួយសង្គ្រោះកូនប្រុសរបស់លោកម្ដងហើយម្ដងទៀត។  

ក្រុមគ្រួសារចំណាប់ខ្មាំង ដែលស្ថិតនៅក្នុងដៃក្រុមហាម៉ាសនៅឡើយ តែងប្រមូលផ្ដុំគ្នាតវ៉ានៅខាងក្រៅគេហដ្ឋានរបស់នាយករដ្ឋមន្ត្រី នៅក្នុងទីក្រុង Jerusalem និងនៅកន្លែងផ្សេងទៀត អំពាវនាវឲ្យមានបទឈប់បាញ់ និងបញ្ជូនមនុស្សជាទីស្រឡាញ់របស់ពួកគេប្រគល់ឲ្យពួកគេវិញ ៕