មនុស្សយ៉ាងច្រើនសន្ធឹកសន្ធាប់បានប្រមូលផ្ដុំគ្នាតវ៉ានៅចុងសប្ដាហ៍នេះ តាមបណ្ដាទីក្រុង និងរដ្ឋធានី ជុំវិញពិភពលោក ខណៈហ្វូងបាតុកររាប់ម៉ឺននាក់ ស្ដីបន្ទោសការវាយប្រហាររបស់អ៊ីស្រាអែលដែលនៅតែបន្ត និងភាពអត់ឃ្លានដោយសារសង្គ្រាម នៅដែនដីហ្កាហ្សាស្ទ្រីប  និងបានបង្ហាញសាមគ្គីភាពជាមួយប្រជាជនប៉ាឡេស្ទីន។  

ការប្រមូលផ្តុំគ្នាត្រូវបានធ្វើឡើងនៅទីក្រុងប៉ារីសប្រទេសបារាំង ទីក្រុង អូស្លូ ប្រទេសន័រវេស ទីក្រុង Manchester ចក្រភពអង់គ្លេស រដ្ឋធានី ប៊ែរឡាំង(Berlin) ទីក្រុង Stuttgart ទីក្រុង Bremen និង ទីក្រុង Wolfsburg របស់ប្រទេសអាល្លឺម៉ង់ ទីក្រុង Milan ប្រទេសអ៊ីតាលី ទីក្រុង អាហេះ (Aarhus) និង ទីក្រុង Copenhagenរបស់ប្រទេស ដាណឺម៉ាក ទីក្រុង Helsingborg និងរដ្ឋធានី Stockholm របស់ប្រទេសស៊ុយអែត និងនៅទីក្រុង ស៊ីដនី ប្រទេសអូស្ត្រាលី ផងដែរ ដោយមានការចូលរួម ពីហ្វូងមនុស្សយ៉ាងច្រើន ទាមទារបទឈប់បាញ់ជាបន្ទាន់ និងការចូលជាបន្ទាន់នៃជំនួយមនុស្សធម៌ទៅក្នុងដែនដីហ្កាហ្សា។  

ក្រុមបាតុករបានគ្រវីទង់ជាតិប៉ាឡេស្ទីន និងកាន់ស្លាកសញ្ញាថ្កោលទោសអំពើឃោរឃៅដែលប្រព្រឹត្តដោយកងកម្លាំងអ៊ីស្រាអែល ជាពិសេសការដាក់គោលដៅលើជនស៊ីវិល និងកុមារ។ ការអំពាវនាវបានបន្ទរឡើងនៅគ្រប់បាតុកម្មទូទាំងពិភពលោកសម្រាប់ការបញ្ចប់ស្តង់ដារពីរ ក្នុងការឆ្លើយតបជាអន្តរជាតិ និងសម្រាប់អ៊ីស្រាអែលឱ្យទទួលខុសត្រូវចំពោះឧក្រិដ្ឋកម្មសង្រ្គាម និងអំពើប្រល័យពូជសាសន៍។

សុន្ទរកថា និងការស្រែកបន្ទរនៅគ្រប់ការតវ៉ា បានសង្កត់ធ្ងន់លើតម្រូវការយុត្តិធម៌ សិទ្ធិមនុស្ស និងការអន្តរាគមន៍ពីអន្តរជាតិ ដើម្បីបញ្ឈប់ការរងទុក្ខវេទនាដ៏ធ្ងន់ធ្ងរនៅហ្កាហ្សា៕