អ្នកនាំពាក្យយោធារបស់ចលនាលោក Yahya Saree បាននិយាយថា ក្រុមហ៊ួទីមកពីចលនាឧទ្ទាម Ansar Allah បានវាយប្រហារលើគោលដៅចំនួនបី ក្នុងប្រទេសអ៊ីស្រាអែល រួមទាំងកំពង់ផែ Haifa ដោយយានដ្រូន។

លោកបានប្រាប់ទូរទស្សន៍ Al Masirah ដែលគ្រប់គ្រងដោយក្រុមហ៊ួទីថា៖«អង្គភាពយានដ្រូននៃកងកម្លាំងប្រដាប់អាវុធយេម៉ែន បានធ្វើប្រតិបត្តិការយោធាតែមួយគត់ និងវាយប្រហារលើគោលដៅចំនួន ៣ របស់អ៊ីស្រាអែល ដោយប្រើចំនួន បីគ្រឿង»។

យោងតាមអ្នកនាំពាក្យក្រុមហ៊ួទី មូលដ្ឋានយោធាចំនួនពីរ នៅក្នុងទីក្រុងតែលអាវីវ (Tel Aviv) និង Ashkelon និងកំពង់ផែ Haifa ត្រូវរងការវាយប្រហារ។ លោកបានបញ្ជាក់ថា ការវាយប្រហារទាំងបីនេះ បានត្រូវចំគោលដៅរបស់ពួកគេ ដោយជោគជ័យ»។

លោកបានសង្កត់ធ្ងន់ថា ក្រុមហ៊ួទី នឹងបន្តគាំទ្រប៉ាឡេស្ទីននៅតំបន់ហ្កាហ្សាស្ទ្រីប និងបន្តវាយប្រហារអ៊ីស្រាអែល រហូតដល់ប្រទេសនេះ បញ្ចប់ប្រតិបត្តិការរបស់ខ្លួន នៅក្នុងដែនដីប៉ាឡេស្ទីន។

បន្ទាប់ពីការកើនឡើងនៃជម្លោះនៅតំបន់ហ្កាហ្សាស្ទ្រីប ក្នុងឆ្នាំ ២០២៣ ចលនាឧទ្ទាមយេម៉ែន Ansar Allah (ក្រុមហ៊ួទី) បានព្រមានអ៊ីស្រាអែលថា ខ្លួននឹងបាញ់ផ្លោងទឹកដីរបស់ប្រទេសនេះ ខណៈពេលដែលរារាំងនាវាដែលទាក់ទងនឹងរដ្ឋជ្វីហ្វមិនឲ្យឆ្លងកាត់ដែនទឹកនៃសមុទ្រក្រហមនិងច្រកសមុទ្រ Bab el-Mandeb Ham រហូតដល់ទីក្រុងតែលអាវីវ បញ្ឈប់ប្រតិបត្តិការយោធារបស់ខ្លួន ប្រឆាំងនឹងក្រុមសកម្មប្រយុទ្ធប៉ាស្ទីនហាម៉ា។ ចាប់តាំងពីពាក់កណ្តាលខែវិច្ឆិកា ឆ្នាំ ២០២៣ នាវាស៊ីវិលរាប់សិបគ្រឿង ត្រូវបានវាយប្រហារដោយក្រុមហ៊ួទី នៅក្នុងសមុទ្រក្រហម និងឈូងសមុទ្រ Aden។