ប្រជាជនលីបង់រាប់រយនាក់បានមកប្រមូលផ្តុំគ្នានៅជិតឆ្នេរសមុទ្រទីក្រុងបេរូតកាលពីថ្ងៃចន្ទ ទី៤ ខែសីហា ដើម្បីធ្វើពិធិរំលឹកខួបពាក់កណ្តាលទសវត្សរ៍ចាប់តាំងពីការផ្ទុះនៅកំពង់ផែដ៏មហន្តរាយកាលពីឆ្នាំ ២០២០ ដែលនៅពេលនោះមនុស្សជាង២០០នាក់នាក់ស្លាប់នៅក្នុងការផ្ទុះមិនមែននុយក្លេអ៊ែរដ៏ខ្លាំងបំផុតនៅក្នុងប្រវត្តិសាស្ត្រ។

 ដោយមានកាន់ទង់ជាតិលីបង់ និងរូបថតមួយកំណាត់ខ្លួនរបស់ជនរងគ្រោះមួយចំនួន ក្រុមអ្នកតវ៉ាដែលកំពុងឈរជាច្រើននាក់បាននិយាយថា ពួកគេមានអារម្មណ៍ខកចិត្តយ៉ាងខ្លាំងដែលគ្មាននរណាម្នាក់ត្រូវបានគេនាំមកឲ្យទទួលខុសត្រូវចំពោះការផ្ទុះដ៏មហន្តរាយនេះ។

ការផ្ទុះ បានបំផ្លាញទឹកដីដ៏ធំនៃទីក្រុងបេរូត ដោយបណ្តាលឲ្យមនុស្សរាប់ម៉ឺននាក់បាត់បង់លំនៅឋាន។

ឈ្មោះអ្នកស្លាប់ទាំងអស់ត្រូវបានគេអាន ខណៈក្រុមអ្នកតវ៉ាបានឈរនៅមុខកម្ទេចកម្ទីបាក់បែកនៃឃ្លាំងគ្រាប់ធញ្ញជាតិទីក្រុងបេរូត ដែលត្រូវបានបំផ្លាញយ៉ាងធ្ងន់ធ្ងរនៅក្នុងការផ្ទុះ និងបន្តកាន់តែយ៉ាប់យ៉ឺន និងបាក់រលំរយៈពេលជាច្រើនឆ្នាំក្រោយមក។