អាជ្ញាធរអ៊ីស្រាអែល បានវាយកម្ទេចអគារប៉ាឡេស្ទីនចំនួន ៤ កាលពីថ្ងៃចន្ទ នៅក្នុងទីប្រជុំជន Al-Judeira ភាគខាងជើងនៃទីក្រុងហ្ស៊េរុយសាឡឹមខាងកើត។ នេះបើយោងតាមអភិបាលទីក្រុងហ្ស៊េរុយសាឡឹមរបស់អាជ្ញាធរប៉ាឡេស្ទីន។

អគារទាំងអស់ ត្រូវបានវាយកម្ទេច ក្រោមលេសថា ពួកវាត្រូវបានសាងសង់ដោយគ្មានលិខិតអនុញ្ញាតសាងសង់។ អគារទាំងនោះ រួមមានផ្ទះពីរជាន់ សួនច្បារ ខ្ទមឈើ និងរបងព្រំដែន។

អភិបាលក្រុងរូបនេះ បាននិយាយថា នេះគឺជាផ្នែកមួយនៃគោលនយោបាយអ៊ីស្រាអែលជាបន្ត និងជាប្រព័ន្ធ ដើម្បីលុបបំបាត់វត្តមានប៉ាឡេស្ទីនចេញពីតំបន់នានានៃទីក្រុងហ្ស៊េរុយសាឡឹម។

កាលពីថ្ងៃចន្ទ កងកម្លាំងអ៊ីស្រាអែល បានចេញសេចក្តីជូនដំណឹងអំពីការកម្ទេចអគារលំនៅឋានចំនួនបី នៅក្នុងទីប្រជុំជន Qalandia ដែលស្ថិតនៅភាគពាយព្យនៃក្រុងហ្ស៊េរុយសាឡឹមខាងកើត។

ក្រុមនាវិក អ៊ីស្រាអែល ដោយមានការគាំទ្រផ្នែកយោធា បានវាយលុកតំបន់ភាគខាងកើតនៃទីប្រជុំជន Qalandia ហើយបានបញ្ជូនសេចក្តីជូនដំណឹងដល់ប្រជាជននៃអគារចំនួន ៣ ដែលមានផ្ទះល្វែងប្រហែល ១២ល្វែង ដោយលើកឡើងពីកង្វះការអនុញ្ញាត។ នេះបើយោងតាមទីភ្នាក់ងារសារព័ត៌មាន Wafa។

អ៊ីស្រាអែលតែងតែបដិសេធការអនុញ្ញាតឲ្យប្រជាជនប៉ាឡេស្ទីនសាងសង ខណៈពេលដែលការពង្រីកការតាំងទីលំនៅរបស់ជនជាតិជ្វីហ្វដោយខុសច្បាប់ នៅក្នុងទីក្រុងហ្ស៊េរុយសាឡឹម និងតំបន់វេសបែង។

ចាប់ពីឆ្នាំ ១៩៩១ ដល់ឆ្នាំ ២០១៨ អាជ្ញាធរអ៊ីស្រាអែល បានអនុម័តត្រឹមតែ ១៦,៥ ភាគរយនៃការអនុញ្ញាតសាងសង់ នៅក្នុងសង្កាត់ប៉ាឡេស្ទីន នៅក្នុងទីក្រុងហ្ស៊េរុយសាឡឹម។ ការអនុញ្ញាតសាងសង់ផ្សេងទៀត ត្រូវបានចេញសម្រាប់សង្កាត់អ៊ីស្រាអែល នៅក្នុងទីក្រុងហ្ស៊េរុយសាឡឹមខាងលិច និងកន្លែងតាំងទីលំនៅនានា។ នេះបើយោងតាមអង្គការ Peace Now។