រដ្ឋមន្ត្រីក្រសួងបង្រួបបង្រួមកូរ៉េខាងត្បូង លោក Chung Dong-young បានជួបជាមួយមេដឹកនាំនៃនិកាយពុទ្ធសាសនាដ៏ធំបំផុត កាលពីថ្ងៃចន្ទ និងបានស្នើសុំសហគមន៍សាសនានេះ ឲ្យដើរតួនាទី ក្នុងការធ្វើឲ្យប្រសើរឡើងនូវទំនាក់ទំនងអន្តរកូរ៉េ។

លោក Chung បានធ្វើការសន្ទនាតាមទូរស័ព្ទជាមួយលោក Ven. Jinwoo មេដឹកនាំពុទ្ធសាសនា នៅវត្ត Jogye នៅកណ្តាលទីក្រុងសេអ៊ូល ចំពេលមានការខិតខំប្រឹងប្រែងជាបន្តបន្ទាប់របស់ទីក្រុងសេអ៊ូល ដើម្បីចូលរួមជាមួយប្រទេសកូរ៉េខាងជើងក្នុងកិច្ចពិភាក្សា ក្នុងគោលបំណងបន្ធូរបន្ថយភាពតានតឹង និងការកែលម្អទំនាក់ទំនង។

លោក Chung បានប្រាប់មេដឹកពុទ្ធសាសនារូបនេះថា៖«មេរៀន និងគំនិតនៃពុទ្ធសាសនា គឺជាកម្លាំងដ៏មានឥទ្ធិពល ដែលអាចនាំឲ្យប្រទេសកូរ៉េទាំងពីរ មានទំនាក់ទំនងសន្តិហវិជ្ជមានជាថ្មី»។ ខ្ញុំនឹងពិតជាអ      រគុណណាស់ ប្រសិនបើសហគមន៍កាន់ពុទ្ធសាសនា អាចដើរតួនាទីសំខាន់មួយនេះ។

លោក Ven. Jinwoo បានផ្តល់ការវាយតម្លៃជាវិជ្ជមានអំពីការផ្សព្វផ្សាយជាបន្តរបស់រដ្ឋាភិបាល ទៅកាន់កូរ៉េខាងជើង ដោយលើកឡើងថា៖«វិធីសាស្រ្តតាមរយៈវប្បធម៌អាចធ្វើឲ្យវាកាន់តែមានលក្ខណៈធម្មជាតិ និងរលូន (សម្រាប់កូរ៉េទាំងពីរ) និងដើរតួនាទីក្នុងការជំរុញឲ្យមានការផ្សះផ្សាគ្នាយ៉ាងឆាប់រហ័ស»។

មេដឹកនាំពុទ្ធសាសនារូបនេះ ក៏បានលើកឡើងពីសំណើសម្រាប់ព្រឹត្តិការណ៍ពុទ្ធសាសនារួមគ្នា ជាមួយកូរ៉េខាងជើង នៅភ្នំ Kumgang ដែលជាភ្នំរបស់កូរ៉េខាងជើងថ្មីៗនេះ បានបញ្ចូលទៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ ជាគំរូនៃការចូលរួមអន្តរកូរ៉េ ដោយបន្ថែមថា«កូរ៉េខាងជើងទំនងជាទទួលយកសំណើនេះ»។