ហ្វូងជនប៉ាឡេស្ទីនដ៏ច្រើនបានចោមរោមរថយន្តដឹកជំនួយមនុស្សធម៌នៅទីក្រុង Khan Younis តំបន់ហ្កាហ្សាស្រ្ទីប ដោយពួកគេនាំគ្នាប្រញាញដណ្តើមយកបាវ និងប្រអប់គ្រឿងផ្គត់ផ្គង់ ។

លោក Youssef Abu Mor គឺជាអ្នកស្វែងរកជំនួយ និយាយថា ជំនួយចូលក្នុងតំបន់ហ្កាហ្សាស្រ្ទីប មិនគ្រប់គ្រាន់នោះទេ ។

ជនប៉ាឡេស្ទីន និងក្រុមមន្រ្តីអង្គការសហប្រជាជាតិ(UN) និយាយថា តំបន់ហ្កាហ្សា ត្រូវការរថយន្តដឹកជំនួយប្រហែល ៦០០គ្រឿងក្នុង ១ថ្ងៃ ចូលក្នុងតំបន់ហ្កាហ្សា ដើម្បីឈានដល់តម្រូវការមនុស្សធម៌ គឺជាចំនួនរថយន្តតែមួយដែលអ៊ីស្រាអែលធ្លាប់អនុញ្ញាតឲ្យចូលតំបន់ហ្កាហ្សា មុនសង្រ្គាមផ្ទុះឡើង ។

ទីភ្នាក់ងារយោធាអ៊ីស្រាអែលដែលសម្របសម្រួលជំនួយ(COGAT) និយាយនៅថ្ងៃអង្គារនេះថា អ៊ីស្រាអែល និយាយថា ខ្លួននឹងអនុញ្ញាតឲ្យស្បៀងអាហារចូលបន្តិចម្តងៗ និងមានកគ្រប់គ្រង ទៅកាន់តំបន់ហ្កាហ្សា តាមរយៈយន្តការក្នុងស្រុក ស្របពេលដែលក្រុមតាមដានសកល និយាយថា គ្រោះទុរ្ភិក្សជិតលេចចេញជារូបរាងឡើងហើយនៅក្នុងដែនដីមួយនេះ ក៏ដូចជាធ្វើឲ្យប៉ះពាល់ដល់ចំណាប់ថ្នូរផងដែរ ។

ទីភ្នាក់ងារ COGAT និយាយថា យន្តការត្រូវបានអនុម័តដោយគណៈរដ្ឋមន្រ្តី ដើម្បីបង្កើនទំហំជំនួយមនុស្សធម៌ អនុញ្ញាតឲ្យចូលគ្រឿងផ្គត់ផ្គង់ទៅកាន់តំបន់ហ្កាហ្សា តាមរយៈវិស័យឯកជន ។

ទីភ្នាក់ងារនេះនិយាយថា ទំនិញដែលបានអនុម័ត រួមទាំងផលិតផលអាហារមូលដ្ឋាន អាហារទារក បន្លែ ផ្លែ និងគ្រឿងផ្គត់ផ្គង់អនាម័យ ៕