នៅជំរំ Tawila ស្ថិតក្នុងប្រទេសស៊ូដង់ មនុស្សនាំគ្នារៀបរាប់រឿងរ៉ាវដែលពួកគេមានជំងឺ ភាពអត់ឃ្លាន និងអំពើហិង្សា ។

ជំរំនេះ ស្ថិតនៅចម្ងាយប្រហែល ៦៤គ.ម ភាគខាងលិចទីក្រុង al-Fashir ដែលជាតំបន់កាន់កាប់ចុងក្រោយរបស់កងទ័ពស៊ូដង់នៅតំបន់ Darfur ក្រោយសង្រ្គាមអស់រយៈពេលជាង ២ឆ្នាំ ។

ក្រោយពេលកងទ័ពស៊ូដង់ រុញច្រានកងកម្លាំងគាំទ្ររហ័ស(RSF) ចេញពីរដ្ឋធានី Khartoum កាលពីដើមឆ្នាំនេះ សង្រ្គាមនៅទីក្រុង al-Fashir កាន់តែតានតឹងឡើង ។

អ្នកស្រី Enaam Abdallah Mohammed គឺជាពលរដ្ឋស៊ូដង់មួយរូប និយាយថា ពួកគេបានរត់ភៀសខ្លួនចេញពីជំរំមួយទៀតនៅ Zamzam ដោយសារតែកងកម្លាំង RSF ហើយក្រោយមពួកគេរងការវាយប្រហារនៅក្នុងភូមិមួយកន្លែងជិតទីក្រុង al-Fashir ។

អ្នកស្រីនិយាយថា បើសិនជាពួកគេឃើញមនុស្សមានទូរស័ព្ទដៃ ពួកគេនឹងដណ្តើមយកវា ។ បើសិនជាអ្នកមានលុយ ពួកគេនឹងដណ្តើមយកវា ។ បើសិនជាអ្នកមានសេះល្អ ឬអ្វីមួយ ពួកគេនឹងដណ្តើមយកវាពីអ្នក ។ ពួកគេសម្លាប់មនុស្ស ពួកគេសម្លាប់មនុស្សនៅមុខរបស់ពួកយើង ពួកគេចាប់ក្មេងស្រី នៅមុខពួកយើង ហើយរួចមកចាប់រំលោភសេពសន្ថវៈពួកគេ ៕