ទូរទស្សន៍ NDTV រាយកាណ៍នៅថ្ងៃអង្គារនេះថា មនុស្សជាង ៥០នាក់ កំពុងបាត់ខ្លួន ក្រោយភូមិដ្ឋានប្រជាពលរដ្ឋមួយកន្លែងត្រូវបានទឹកហូរនាំយកទៅ នៅក្នុងទឹកជំនន់ដ៏គំហុក ស្ថិតក្នុងរដ្ឋភាគខាងជើង Uttarakhand ប្រទេសឥណ្ឌា ។

រូបថតសន្លឹកនៅលើកញ្ចក់ទូរទស្សន៍ក្នុងស្រុក ឃើញទឹកជំនន់បោះពួយពីលើភ្នំ ហូរផ្ទប់នឹងជើងភ្នំ នាំយកទៅជាមួយផ្ទះសម្បែងប្រជាពលរដ្ឋនៅទីក្រុង Uttarkashi ស្ថិតក្នុងតំបន់ភ្នំហិម៉ាឡៃ ។

នគរបាលរដ្ឋ Uttarakhand និយាយនៅក្នុងសារបង្ហោះលើបណ្តាញព័ត៌មានសង្គម Xថា ទំនងជាមាននូវការខូចខាតច្រើន ដោយសារកម្រិតទឹកកើនឡើងនៅតំបន់ Harshil ស្ថិតទីក្រុង Uttarkashi ហើយពួកគេស្នើសុំឲ្យអ្នកស្រុកនៅឆ្ងាយពីមាត់ទន្លេ ។

រដ្ឋ Uttarakhand ដែលស្ថិតនៅតំបន់ភ្នំហិម៉ាឡៃ បានមើលឃើញចំនួនកើនឡើងទឹកជំនន់ដ៏គំហុក និងបំណាក់ដី ក្នុងនោះក្រុមអ្នកជំនាញមួយចំនួន បានដាក់ការស្តីបន្ទោសលើបញ្ហាបម្រែបម្រួលអាកាសធាតុ ៕