លោកប្រធានាធិបតី Donald Trump បាននិយាយកាលពីថ្ងៃអង្គារ ទី៥ ខែសីហាថា សហរដ្ឋអាមេរិកជិតឈានដល់កិច្ចព្រមព្រៀងពាណិជ្ជកម្មជាមួយប្រទេសចិន ដែលលោកនឹងជួបជាមួយសមភាគីចិន លោក Xi Jinping នៅចុងឆ្នាំនេះប្រសិនបើកិច្ចព្រមព្រៀងត្រូវបានចុះហត្ថលេខា។

លោក Trump បាននិយាយទៅកាន់ប្រព័ន្ធផ្សព្វផ្សាយ CNBC នៅក្នុងបទសម្ភាសន៍មួយដោយនិយាយសំដៅទៅលើលោក Xi ប្រធានាធិបតីចិនថា «លោកបានស្នើឲ្យមានជំនួបមួយ ហើយខ្ញុំនឹងបញ្ចប់ដោយមានជំនួបនៅមុនដំណាច់ឆ្នាំនេះ ប្រសិនបើយើងមានកិច្ចព្រមព្រៀង។ ហើយប្រសិនបើយើងគ្មានកិច្ចព្រមព្រៀងទេ ខ្ញុំនឹងគ្មានជំនួបឡើយ។ «យើងកំពុងខិតជិតដល់កិច្ចព្រមព្រៀងមួយ។ យើងមានភាពចុះសម្រុងគ្នាជាមួយប្រទេសចិនយ៉ាងល្អ« ។

រដ្ឋមន្ត្រីក្រសួងរតនាគារ លោក Scott Bessent បាននិយាយកាលពីសប្តាហ៍មុនថា លោកជឿជាក់ថា សហរដ្ឋអាមេរិក មាន «កិច្ចព្រមព្រៀង» ជាមួយប្រទេសចិន បន្ទាប់ពីមន្ត្រីនៃប្រទេសទាំងពីរបានជួបប្រជុំគ្នានៅទីក្រុង Stockholm ប្រទេសស៊ុយអែត ដើម្បីដោះស្រាយជម្លោះសេដ្ឋកិច្ច ក្នុងគោលបំណងផ្អាកសង្រ្គាមពាណិជ្ជកម្ម។

ប្រទេសចិនកំពុងប្រឈមនឹងកាលបរិច្ឆេទកំណត់នៅថ្ងៃទី១២ ខែសីហា ដើម្បីឈានដល់កិច្ចព្រមព្រៀងដំឡើងពន្ធយូរអង្វែងជាមួយរដ្ឋបាលសហរដ្ឋអាមេរិក បន្ទាប់ពីទីក្រុងប៉េកាំង និងទីក្រុងវ៉ាស៊ីនតោន បានឈានដល់កិច្ចព្រមព្រៀងបឋមកាលពីខែឧសភា និងខែមិថុនា ដើម្បីបញ្ចប់ការកើនឡើងការដំឡើងពន្ធសងសឹក និងការកាត់ផ្តាច់សារធាតុរ៉ែកម្រ។