​សហរដ្ឋអាមេរិក៖ រដ្ឋបាល​ទីភ្នាក់ងារ​គ្រប់គ្រង​គ្រាអាសន្ន​សហព័ន្ធលោកស្រី Deanne Criswell បាន​ប្រកាស​ថា ក្រុម​គ្រូពេទ្យ​របស់​ក្រសួងការពារជាតិកំពុង​ត្រូវ​បាន​បញ្ជូន​ទៅកាន់​រដ្ឋ​ចំនួន ៦ ដែល​កំពុង​មើល​ឃើញ​មន្ទីរពេទ្យ​ស្ថិត​នៅ​ក្រោម​សម្ពាធ​កើន​ឡើងដោយសារតែ​វីរុស​ COVID-19 និង​វីរុស​ប​ម្លែ​ង​ខ្លួន​ថ្មី Omicron​។

​រដ្ឋ​ទាំងនោះ​រួមមាន Ohio, Michigan, Rhode Island, New York, New Jersey និង New Mexico។ ក្រសួងសុខាភិបាល និង​អង្គភាព​សេវា​ធនធានមនុស្ស​កំពុង​បញ្ជូន​ក្រុមគ្រូពេទ្យ​យោធាបន្ថែមទៀត​ទៅកាន់​កោះ Rhode Island ផងដែរ​។​ ​លោកស្រី Criswell បាន​និយាយ​នៅក្នុង​សន្និសីទ​សារព័ត៌​មាននៅ​សេត​វិមាន​ថា ក្នុង​រយៈ ពេល​ប៉ុន្មាន​សប្តាហ៍​ខាងមុខ យើង​ត្រៀមខ្លួន​រៀបចំ​បន្ថែមទៀត​ ខណៈរដ្ឋាភិបាល​សហព័ន្ធបាន​បញ្ជូន​បុគ្គលិក​ជាង ១ពាន់នាក់​រួចហើយ​ទៅកាន់​រដ្ឋ​ជាច្រើនបូករួម​ទាំង​ដែនដី​។​ ​បន្ថែម​លើ​នេះ​លោកស្រី Criswell បាន​និយាយថា ទីភ្នាក់ងារ​គ្រប់គ្រង​គ្រាអាសន្ន​សហព័ន្ធបាន​ពង្រីក​គោលនយោបាយ​របស់ខ្លួន​ ដោយ​អនុញ្ញាតឱ្យ​ផ្តល់​មូលនិធិ​ដល់​រដ្ឋ​នានាដើម្បី​ប្រើប្រាស់​កងទ័ព​ឆ្មាំ​ជាតិ​ ក្នុងការ​បំពេញ​តួនាទី​គាំទ្រ​នៅតាម​មន្ទីរពេទ្យ​៕

អត្ថបទ៖ ប៊ុនថន