ម៉ាឡេស៊ី៖ ប្រធានអាស៊ានប្តូរវេន នាយករដ្ឋមន្ត្រីម៉ាឡេស៊ី ឯកឧត្តម Anwar Ibrahim បាន​លើក​ឡើង​នៅ​លើបណ្ដាញសង្គមផ្លូវនៅរសៀលថ្ងៃទី៧ ខែសីហានេះថា ក្នុងជំនួបជាមួយ​ឯកឧត្តម​ព្រឹក​នេះ​មុន​នៃកិច្ចប្រជុំវិសាមញ្ញគណៈកម្មាធិការព្រំដែនទូទៅ កម្ពុជា-ថៃ (GBC) គីទាំងពីរក៏​បាន​ឈាន​ដល់​កិច្ចព្រមព្រៀងសំខាន់ៗមួយចំនួនរួមទាំងការ​ប្រកាន់​ខ្ជាប់​ពេញ​លេញ​ចំពោះ​បទ​ឈប់​បាញ់​ដោយ​គ្មាន​ទម្រង់​នៃការឈ្លានពាន គ្មានការកើនឡើងឬផ្លាស់ប្តូរទីតាំងកងទ័ព ការបញ្ចៀស​សកម្មភា​ព​ញុះញង់ និងការប្តេជ្ញាចិត្តយ៉ាងមុតមាំក្នុងការការពារហេដ្ឋារចនាសម្ព័ន្ធស៊ីវិល និង​ស៊ីវិល​។

ឯកឧត្តម ប្រធានអាស៊ានប្តូរវេន និងជានាយករដ្ឋមន្ត្រីម៉ាឡេស៊ី បានបញ្ជាក់បែបនេះក្រោយជំនួប សម្តែង​ការគួរសមជាមួយ ឧបនាយករដ្ឋមន្ត្រី រដ្ឋមន្ត្រីការពារជាតិកម្ពុជា នាយឧត្តមសេនីយ៍ ទៀ សីហា និងរដ្ឋមន្ត្រីការពារជាតិស្ដីទីថៃ នាយឧត្តមសេនីយ៍ Nattaphon Narkphanit ជាមួយ​គណៈ​ប្រតិភូរៀងៗខ្លួននៅប្រទេសម៉ាឡេស៊ី។

ឯកឧត្តម Anwar Ibrahim បានលើកឡើងថា ក្នុងជំនួបកិច្ចប្រជុំនេះមានអត្ថន័យណាស់ ដោយ​យើង​បាន​ឈានដល់កិច្ចព្រមព្រៀងដ៏មានសារៈសំខាន់ ដើម្បីបន្តកិច្ចសន្ទនា និងថែរក្សា​បទ​ឈប់​បាញ់​គ្នា នៅព្រំដែនថៃ-កម្ពុជា ដែលចាប់ផ្តើមតាំងពីថ្ងៃទី ២៩ ខែកក្កដា។ វាបានឆ្លុះ​បញ្ចាំង​ពី​ការ​ប្តេជ្ញា​ចិត្ត​រួម ដើម្បីលើកស្ទួយសន្តិភាព និងស្ថិរភា​ពតំបន់​ដែល​មិន​អាច​ខ្វះ​បាន​នៅ​ក្នុង​ភូមិ​សាស្រ្ត​នយោបាយ​នាពេ​លបច្ចុប្បន្ន។

ឯកឧត្តម Anwar Ibrahim បានកោតសរសើរចំពោះទំនុកចិត្តកម្ពុជា និងថៃ ផ្តល់ជូនម៉ាឡេស៊ី ក្នុងការបន្តដឹកនាំកិច្ចចរចាសន្តិភាព និងតាមដានសភាពការណ៍តាមព្រំដែន ជាពិសេសតាមរយៈតួនាទីសំខាន់ៗរបស់មេបញ្ជាការកងរាជអាវុធហត្ថម៉ាឡេស៊ី លោកឧត្តមសេនីយ៍ Tan Sri Mohd Nizam Jaffar.Alhamdulillah ប្រទេសទាំងពីរក៏បានឈានដល់កិច្ចព្រមព្រៀងសំខាន់ៗមួយចំនួនរួមទាំងការប្តេជ្ញាចិត្តគោរពតាមបទឈប់បាញ់គ្នាដោយគ្មានទម្រង់នៃការរំលោភ មិនបន្ថែមកម្លាំង ឬផ្លាស់ប្តូរការដាក់ពង្រាយកងទ័ព ជៀសវាងសកម្មភាពញុះញង់ ព្រមទាំងធានាការពារជនស៊ីវិល និងហេដ្ឋារចនាសម្ព័ន្ធសាធារណៈ។

ឯកឧត្តម Anwar Ibrahim បញ្ជាក់ថា ការជជែករបស់យើងលើសពី៣០នាទី ក៏បានជជែកពីសំណើដាក់ពង្រាយក្រុមអ្នកសង្កេតការណ៍អាស៊ាន (AOT) ដើម្បីជួយតាមដានកិច្ចខិតខំប្រឹងប្រែង ជំនួយមនុស្សធម៌ និងការគ្រប់គ្រងវេជ្ជសាស្រ្តនៅតំបន់ព្រំដែនផងដែរ។ ឯកឧត្តមបញ្ជាក់ថា ក្រុមការងារម៉ាឡេស៊ីទាំងមូលនឹងបន្តធ្វើការគាំទ្រដល់ដំណើរការដោយសន្តិវិធីនេះដោយផ្អែកលើជំនឿនិងទំនុកចិត្តថា សន្តិភាពយូរអង្វែងអាចសម្រេចបានតាមរយៈការសន្ទនា មិត្តភាព និងភាពស្មោះត្រង់៕

Sourc: Anwar Ibrahim official FB page