កងទ័ពបាននិយាយនៅក្នុងសេចក្តីថ្លែងការណ៍មួយថា កងកម្លាំងការពារអ៊ីស្រាអែល (IDF) បានធ្វើការវាយប្រហារទៅលើទីតាំងផលិតអាវុធរបស់ក្រុមហាម៉ាស នៅក្នុងតំបន់ហ្កាហ្សាស្ទ្រីប។

សេចក្តីថ្លែងការណ៍ បានឲ្យដឹងថា៖«នៅកន្លែងនេះ ក្រុមហាម៉ាសបានផលិតអាវុធដែលត្រូវបានប្រើដោយក្រុមភេរវករហាម៉ាស ពេញមួយសង្រ្គាម ដើម្បីវាយប្រហារកងទ័ព IDF។

យោធាបានបន្ថែមថា៖«មុនពេលវាយប្រហារ វិធានការជាច្រើន ត្រូវបានចាត់ឡើង ដើម្បីកាត់បន្ថយហា      និភ័យនៃការបង្កគ្រោះថ្នាក់ដល់ជនស៊ីវិល រួមទាំងការជម្លៀសប្រជាជនស៊ីវិល នៅក្នុងតំបន់ ការប្រើប្រាស់គ្រាប់រំសេវច្បាស់លាស់ ការឃ្លាំមើលពីលើអាកាស និងការស៊ើបការណ៍បន្ថែម»។

យោងតាម IDFបានឲ្យដឹងថា  កងកម្លាំងអ៊ីស្រាអែល បន្តប្រតិបត្តិការយោធា នៅជិតទីក្រុងហ្កាហ្សា ក៏ដូចជានៅតំបន់ភាគខាងជើង និងភាគខាងត្បូងនៃដែនដីនេះ។ សេចក្តីថ្លែងការណ៍ បានកត់សម្គាល់ថា៖«នៅក្នុងទីក្រុង Daraj Tuffah កងទ័ព IDF បានកំណត់អត្តសញ្ញាណភេរវករប្រហែល ១០នាក់ នៅក្នុងតំបន់នៃប្រតិបត្តិការរបស់ពួកគេ។ នៅពេលកំណត់អត្តសញ្ញាណភេរវករបានយ៉ាងឆាប់រហ័ស កងទ័ពអាកាសអ៊ីស្រាអែល (IAF) បានវាយប្រហារ និងបានសម្លាប់ភេរវករមួយក្រុមនោះ។

នៅភាគខាងជើងហ្កាហ្សា កងកម្លាំងអ៊ីស្រាអែល«បានរុះរើជើងទ្រដែលបាញ់កាំភ្លើងត្បាល់ឆ្ពោះទៅកាន់កងទ័ព IDF» និងបានសម្លាប់ភេរវករជាច្រើននាក់ នៅក្នុងទីក្រុង Beit Hanoun។

នៅភាគខាងត្បូងតំបន់នេះ កងទ័ព IDF «បានកំណត់ទីតាំងផ្លូវរូងក្រោមដីដ៏សំខាន់មួយចំនួន និងបានសម្លាប់ភេរវករជាច្រើននាក់ផងដែរ»។