ផែនការរបស់នាយករដ្ឋមន្ត្រីអ៊ីស្រាអែល Benjamin Netanyahu សម្រាប់ការជំរុញជាថ្មីដោយយោធា នៅតំបន់ ហ្កាហ្សា ស្រី្ទប (Gaza Strip) បានទាក់ទាញការព្រមានពីថ្នាក់ដឹកនាំកងទ័ព ការប្រឆាំងពីក្រុមគ្រួសារចំណាប់ខ្មាំង និងការព្រួយបារម្ភថា ប្រជាជនប៉ាឡេស្ទីននឹងត្រូវសម្លាប់កាន់តែច្រើន។ ទង្វើទាំងនោះក៏ប្រថុយនឹងការធ្វើឱ្យប្រទេសរបស់លោកឯកោថែមទៀតផងដែរ។ 

គ្រួសារចំណាប់ខ្មាំងជាច្រើនចែករំលែកក្តីបារម្ភទាំងនោះ ហើយនិយាយថា មធ្យោបាយតែមួយគត់ដើម្បីធានាការដោះលែងចំណាប់ខ្មាំងគឺតាមរយៈការចរចាជាមួយក្រុមហាម៉ាស។

ស្របពេលគណៈរដ្ឋមន្ត្រីសន្តិសុខបានរៀបចំកិច្ចប្រជុំដើម្បីពិភាក្សាលើសំណើនេះ លោក Netanyahu បានផ្តល់បទសម្ភាសន៍ដល់ទូរទស្សន៍ Fox News អ៊ីស្រាអែលមានបំណងគ្រប់គ្រងទាំងស្រុងលើតំបន់ហ្កាហ្សា ដើម្បីធានាសន្តិសុខរបស់អ៊ីស្រាអែល ដោយការលុបបំបាត់ចោលក្រុមហាម៉ាសចេញពីអំណាច និងបើកការផ្ទេរអភិបាលកិច្ចស៊ីវិលទៅភាគីមួយផ្សេងទៀត តែលោកពុំបានផ្តល់ព័ត៌មានលម្អិតទេ។

លោក Netanyahu បាននិយាយថា "យើងមិនចង់គ្រប់គ្រងតំបន់នោះទេ" ។ យើងមិនចង់នៅទីនោះក្នុងនាមជាស្ថាប័នគ្រប់គ្រងទេ។ យើងចង់ប្រគល់ទៅកងកម្លាំងអារ៉ាប់។



ឯកអគ្គរដ្ឋទូតអង់គ្លេសប្រចាំប្រទេសអ៊ីស្រាអែល លោក Simon Walter បាននិយាយថា ការកាន់កាប់ដែនដីហ្កាហ្សាទាំងស្រុងនឹងក្លាយជា "កំហុសដ៏ធំមួយ" ខណៈក៏បានចោទប្រកាន់របស់សហរដ្ឋអាមេរិក និងអ៊ីស្រាអែល ផងដែរដែលថាការទទួលស្គាល់ណាមួយនៃរដ្ឋប៉ាឡេស្ទីនដោយចក្រភពអង់គ្លេស គឺជារង្វាន់សម្រាប់ក្រុមហាម៉ាស។ទន្ទឹមនឹងនេះ បេសកជនអាមេរិក លោក Mike Huckabee ដែលជាអ្នកគាំទ្រអ៊ីស្រាអែលដ៏រឹងមាំ បាននិយាយថា វាអាស្រ័យលើរដ្ឋាភិបាលអ៊ីស្រាអែល ក្នុងការសម្រេចចិត្តថាតើត្រូវកាន់កាប់តំបន់ហ្កាហ្សាស្ទ្រីបទាំងស្រុងឬអត់ វាមិនមែនជាការងាររបស់អាមេរិកទេ ក្នុងការប្រាប់ពួកគេពីអ្វីដែលពួកគេគួរ ឬមិនគួរធ្វើនោះទេ៕