ប្រទេសហ្ស៊កដានីកាលពីថ្ងៃពុធ បានថ្កោលទោសការវាយប្រហារម្តងហើយម្តងទៀតដោយអ្នកតាំងលំនៅអ៊ីស្រាអែល ទៅលើក្បួនរថយន្តជំនួយមនុស្សធម៌របស់ខ្លួនទៅកាន់តំបន់ហ្កាហ្សាស្ទ្រីប ដោយជំរុញឲ្យអ៊ីស្រាអែល បញ្ឈប់ការរំលោភបំពានបែបនេះ បន្ទាប់ពីការវាយប្រហារថ្មីមួយទៅលើក្បួនរថយន្តរបស់ខ្លួន។

អ្នកនាំពាក្យរដ្ឋាភិបាលលោក Mohammad Momani បាននិយាយនៅក្នុងសេចក្តីថ្លែងការណ៍មួយថា ឧប្បត្តិហេតុចុងក្រោយនេះ បានកើតឡើង នៅពេលដែលអ្នកតាំងលំនៅអ៊ីស្រាអែលកាលពីថ្ងៃពុធ បានវាយប្រហារក្បួនរថយន្តជំនួយចំនួន ៣០ ដែលកំពុងឆ្លងកាត់ចូលទៅក្នុងតំបន់មហ្កាហ្សា ដោយបានធ្វើឲ្យ ខូចខាតរថយន្តចំនួន ៤គ្រឿង ដោយការបិទផ្លូវ និងគប់ដុំថ្ម។

នេះ គឺជាការវាយប្រហារលើកទី ២ ក្នុងរយៈពេលមួយសប្តាហ៍ បន្ទាប់ពីឧប្បត្តិហេតុស្រដៀងគ្នានេះកាលពីថ្ងៃអាទិត្យ ដែលបានបង្ខំឲ្យរថយន្តដឹកជំនួយ ពីរគ្រឿង ត្រឡប់ទៅប្រទេសហ្ស៊កដានីវិញ។

លោក Momani បានសង្កត់ធ្ងន់ថា ការវាយប្រហារបង្កគ្រោះថ្នាក់ដល់អ្នកបើកបរ និងរារាំងការផ្តល់ជំនួយមនុស្សធម៌ ដោយបន្ថែមថា ពួកគេបានបំពានលើអនុសញ្ញាអន្តរជាតិ និងបានចុះហត្ថលេខាលើកិច្ចព្រមព្រៀង។

លោក Momani បានរិះគន់អ្វីដែលលោកបានពណ៌នាថា ជាការឧប្បត្តិហេតុដែលមានការសម្របសម្រួលដ៏ធ្ងន់ធ្ងរ ដោយជំរុញឲ្យអាជ្ញាធរអ៊ីស្រាអែល ចាត់វិធានការជាបន្ទាន់។

លោកក៏បានលើកឡើងពីឧបសគ្គដែលអង្គការ Jordan Hashemite Charity កំពុងប្រឈម ក្នុងការផ្តល់ជំនួយ រួមទាំងនីតិវិធីព្រំដែន ម៉ោងត្រួតពិនិត្យមានកំណត់ និងថ្លៃគយថ្មីពី ៣០០ ទៅ ៤០០ដុល្លារអាមេរិក ក្នុងមួយរថយន្ត។