សារព័ត៌មានTASS បានរាយការណ៍កាលពីថ្ងៃព្រហស្បតិ៍ដោយដកស្រង់សម្តីរដ្ឋមន្ត្រីក្រុមប្រឹក្សាសន្តិសុខរុស្ស៊ី លោក Sergey Shoigu ថា វាមានសារៈសំខាន់សម្រាប់ទីក្រុងមូស្គូ និងទីក្រុងញូវឌេលី ដើម្បីកំណត់កាលបរិច្ឆេទនៃកិច្ចពិភាក្សាថ្មីរវាងប្រធានាធិបតីរុស្ស៊ី លោក Vladimir Putin និងនាយករដ្ឋមន្ត្រីឥណ្ឌាលោក Narendra Modi ។

លោក Shoigu បាននិយាយកាលពីថ្ងៃព្រហស្បតិ៍នៅក្នុងជំនួបជាមួយទីប្រឹក្សាសន្តិសុខជាតិឥណ្ឌា លោក Ajit Doval ថា «កិច្ចសន្ទនានយោបាយផ្អែកលើទំនុកចិត្តពហុកម្រិត កំពុងដំណើរការដោយប្រសិទ្ធភាពរវាងប្រទេសរបស់យើងទាំងពីរនៅពេលនេះ»។ លោកបាននិយាយថា «វាមានសារៈសំខាន់ខ្លាំងក្នុងការកំណត់កាលបរិច្ឆេទសម្រាប់កិច្ចពិភាក្សាពេញលេញនៅពេលបន្ទាប់រវាងមេដឹកនាំរបស់យើង»។

លោក Shoigu បាននិយាយថា រុស្ស៊ីប្តេជ្ញាបន្តកិច្ចសហប្រតិបត្តិការដ៏សកម្មជាមួយប្រទេសឥណ្ឌា ដើម្បីបង្កើតសណ្តាប់ធ្នាប់ពិភពលោកដោយសមភាព និងរក្សាអាទិភាពនៃច្បាប់អន្តរជាតិ។ 

លោក Doval បានស្វាគមន៍ចំពោះដំណើរទស្សនកិច្ចនៅប្រទេសឥណ្ឌាតាមការគ្រោងទុករបស់លោកPutin ដោយនិយាយថា «វាសំខាន់ ដែលដំណើរទស្សនកិច្ចនេះនឹងត្រួសត្រាយផ្លូវថ្មីសម្រាប់កិច្ចសហប្រតិបត្តិការនាពេលអនាគតរបស់យើង កើតចេញពីជំនួបកំពូលរបស់មេដឹកនាំទាំងពីរ»។