លោក Bertrand Bisimwa គឺជាមេដឹកនាំក្រុមឧទ្ទាម M23 និយាយប្រាប់ក្រុមអ្នកសារព័ត៌មានថា ក្រុមឧទ្ទាម M23 គាំទ្រដោយរ៉្វាន់ដាមួយនេះ ពុំទទួលបានការអញ្ជើញឲ្យចូលរួមកិច្ចប្រជុំសន្តិភាពជាមួយសាធារណរដ្ឋប្រជាធិបតេយ្យកុងហ្គោនោះទេ ដែលត្រូវបានកំណត់ចាប់ផ្តើមនៅទីក្រុងដូហា ប្រទេសកាតា នាថ្ងៃសុក្រនេះ ។

ការពន្យាពេលការចាប់ផ្តើមកិច្ចប្រជុំនេះ បង្កហានិភ័យដល់ការបំផ្លាញការសន្យាប្រកបដោយមហិច្ឆតារបស់ភាគីទាំង ២ ក្នុងការបញ្ចប់ការប្រយុទ្ធគ្នានៅតំបន់ភាគខាងកើតកុងហ្គោ ដែលបានសម្លាប់មនុស្សរាប់ពាន់នាក់ក្នុងឆ្នាំនេះ និងមនុស្សរាប់ម៉ឹននាក់ផ្សេងទៀត ជម្លៀសខ្លួន ។

ក្រុមឧទ្ទាម M23 រឹបអូសបានការកាន់កាប់ទីក្រុងធំបំផុត Goma របស់កុងហ្គោកាលពីចុងខែមករា គឺជាផ្នែកមួយនៃការរុលចូលយ៉ាងឆាប់រហ័សដែលបានធ្វើឲ្យពួកគេគ្រប់គ្រងដែនដីច្រើនជាងពេលណាៗទាំងអស់ ។

រដ្ឋបាលរបស់ប្រធានាធិបតីសហរដ្ឋអាមេរិកលោក Donald Trump បានសម្របសម្រួលកិច្ចប្រជុំរវាងកុងហ្គោ និងរ៉្វាន់ដា ដែលទីក្រុងវ៉ាស៊ីនតោនសង្ឃឹមថា នឹងបង្កើតឲ្យមានសន្តិភាពយូរអង្វែង និងទាក់ទាញការវិនិយោគរាប់ពាន់លានដុល្លារពីលោកខាងលិកមកកាន់តំបន់មួយនេះដែលសម្បូរដែកតាន់តាលូម មាស កូបាល់ ទង់ដែង និងលីចូម ។

រ៉្វាន់ដាដែលបានច្រានចោលជាយូរមកហើយចំពោះការជួយក្រុមឧទ្ទាម M23 និយាយថា កងកម្លាំងរបស់ខ្លួនធ្វើ ដើម្បីស្វ័យការពារប្រឆាំងនឹងកងទ័ពកុងហ្គោ និងក្រុមជីវពលជនជាតិភាគតិច Hutuដែលរួមចំណែកនៅក្នុងអំពើប្រល័យពូជសាសន៍រ៉្វាន់ដាឆ្នាំ ១៩៩៤ ៕