រដ្ឋមន្រ្តីការបរទេសទួរគីលោក Hakan Fidan និយាយកាលពីថ្ងៃសៅរ៍ថា

ប្រទេសមូស្លីមត្រូវតែធ្វើសកម្មភាពរួមគ្នា និងប្រមូលផ្តុំការជំទាស់អន្តរជាតិប្រឆាំងនឹងផែនការអ៊ីស្រាអែល

ក្នុងការគ្រប់គ្រងតំបន់ហ្កាហ្សា ។ លោកបានធ្វើសេចក្តីអត្ថាធិប្បាយបែបនេះ

ក្រោយជំនួបនៅក្នុងប្រទេសអេហ្ស៊ីប ។

កាលពីថ្ងៃសុក្រកន្លងទៅ ទួរគី និងអេហ្ស៊ីប បានថ្កោលទោសផែនការរបស់អ៊ីស្រាអែលក្នុងការគ្រប់គ្រងតំបន់ហ្កាហ្សាស្រ្ទីប

។ ទួរគី និយាយថា វាបានចាប់ផ្តើមដំណាក់កាលថ្មីនៃគោលនយោបាយប្រល័យពូជសាសន៍ និងវាទទីនិយមរបស់អ៊ីស្រាអែល

ខណៈពួកគេអំពាវនាវឲ្យមានវិធានការសកល ដើម្បីបញ្ឈប់ការអនុវត្តផែនការនេះ ។

លោក

Fidan និយាយថា គោលនយោបាយរបស់អ៊ីស្រាអែល

មានគោលបំណងបង្ខំជនប៉ាឡេស្ទីនឲ្យចាកចេញពីដែនដីរបស់ពួកគេ តាមរយៈភាពអត់ឃ្លាន

ហើយពួកគេមានបំណងឈ្លានពានតំបន់ហ្កាហ្សាជាអចិន្រ្តៃយ៍ ហើយវាពុំមានលេសសមហេតុផលនោះទេ សម្រាប់ឲ្យប្រជាជាតិនានាបន្តគាំទ្រអ៊ីស្រាអែល

។

ខណៈពេលនោះដែរ គណៈកម្មាធិការថ្នាក់រដ្ឋមន្ត្រីអារ៉ាប់ទទួលបន្ទុកដោះស្រាយជម្លោះហ្កាហ្សា

បាននិយាយនៅថ្ងៃសៅរ៍ថា

ខ្លួនបានឲ្យអ៊ីស្រាអែលទទួលខុសត្រូវទាំងស្រុងចំពោះឧក្រិដ្ឋកម្មប្រល័យពូជសាសន៍ប្រឆាំងនឹងជនស៊ីវិលប៉ាឡេស្ទីន

នៅតំបន់ហ្កាហ្សា ។

សេចក្តីថ្លែងការណ៍ចេញដោយរដ្ឋមន្ត្រីដែលចូលរួមកិច្ចប្រជុំកំពូលអារ៉ាប-អ៊ិស្លាមវិសាមញ្ញរួមស្តីពីការវិវត្តន៍នៅក្នុងតំបន់ហ្កាហ្សា

បានឲ្យដឹងថា ពួកយើងបានឲ្យអ៊ីស្រាអែលទទួលខុសត្រូវទាំងស្រុងចំពោះអំពើប្រល័យពូជសាសន៍

ដែលកំពុងបន្ត និងគ្រោះមហន្តរាយមនុស្សធម៌ដែលមិនធ្លាប់មានពីមុនមក ដែលកំពុងកើតឡើងនៅក្នុងតំបន់ហ្កាហ្សាស្ទ្រីប

៕