ក្រុមគ្រួសាររបស់ចំណាប់ខ្មាំងអ៊ីស្រាអែលដែលនៅតែជាប់ឃុំក្នុងដែនដីហ្កាហ្សា កំពុងអំពាវនាវឱ្យមានការធ្វើកូដកម្មនៅទូទាំងប្រទេសនៅថ្ងៃអាទិត្យក្រោយ ជាការតវ៉ាចំពោះការសម្រេចចិត្តនាពេលថ្មីៗនេះរបស់គណៈរដ្ឋមន្ត្រីសន្តិសុខអ៊ីស្រាអែលក្នុងការពង្រីកសង្រ្គាម និងដណ្តើមកាន់កាប់ទីក្រុងហ្កាហ្សា។ 

សាច់ញាតិរបស់ចំណាប់ខ្មាំងនៅទីក្រុង Tel Aviv បាននិយាយថា យើងនឹងបិទប្រទេសដើម្បីជួយសង្គ្រោះទាហាន និងចំណាប់ខ្មាំង ។ ពួកគេត្រូវបានចូលរួមដោយក្រុមប្រឹក្សាថ្ងៃ៧ តុលា តំណាងឱ្យក្រុមគ្រួសារសពរបស់ទាហានដែលបានស្លាប់នៅពេលចាប់ផ្តើមសង្រ្គាម។ 

ក្រុមអ្នករៀបចំ បាននិយាយថាគំនិតផ្តួចផ្តើមនេះនឹងចាប់ផ្តើមជាកិច្ចខិតខំប្រឹងប្រែងរបស់មូលដ្ឋានជាចម្បងតាមរយៈក្រុមហ៊ុនឯកជននិងប្រជាពលរដ្ឋដែលនឹងធ្វើកូដកម្មនៅថ្ងៃអាទិត្យដើម្បីបញ្ឈប់សេដ្ឋកិច្ច។ 

ក្នុងរយៈពេលប៉ុន្មានម៉ោង ក្រុមប្រឹក្សាថ្ងៃ ៧ តុលាបាននិយាយថា ក្រុមហ៊ុនរាប់រយ បាននិយាយថាពួកគេនឹងចូលរួមក្នុងកូដកម្មក៏ដូចជាប្រជាពលរដ្ឋរាប់ពាន់នាក់ដែលបានប្រកាសថាពួកគេនឹងឈប់សម្រាកពីការងារដើម្បីចូលរួម ។   អ្នកស្រី Anat Angrest ម្តាយរបស់ចំណាប់ខ្លាំងឈ្មោះ Matan ដែលនៅតែជាប់ក្នុងដែនដីហ្កាហ្សា បានអំពាវនាវទៅកាន់ប្រធានឧស្សាហកម្មសេដ្ឋកិច្ច និងការងារ ដោយព្រមានថា "ភាពស្ងៀមស្ងាត់របស់អ្នកកំពុងសម្លាប់កូនៗរបស់យើង"៕