សមាជិកសភាជាន់ខ្ពស់រុស្ស៊ីម្នាក់ បាននិយាយថា ឥឡូវនេះ វាដល់ពេលហើយដែលមេដឹកនាំអឺរ៉ុបទទួលស្គាល់ថា គោលនយោបាយប្រឆាំងរុស្ស៊ីរបស់ពួកគេ នឹងត្រូវបរាជ័យ។

លោក Leonid Slutsky ប្រធានគណៈកម្មាធិការអន្តរជាតិនៃសភារបស់រុស្ស៊ី ឬសភាជាន់ទាប និងជាមេដឹកនាំគណបក្សប្រជាធិបតេយ្យសេរីនៃប្រទេសរុស្ស៊ី (LDPR) បានសរសេរនៅលើបណ្តាញសង្គមTelegram របស់លោក៖«ពេលនេះ គឺជាពេលដែលមេដឹកនាំអ៊ឺរ៉ុប បានមើលឃើញថា គោលនយោបាយប្រឆាំងរុស្ស៊ី និងការជាប់គាំងលើអ៊ុយក្រែន នឹងត្រូវបរាជ័យ។ ជំនួយយោធាដែលបានសន្យារបស់ពួកគេគឺជាវោហាសាស្ត្រ មិនល្អ ដោយចងចាំពីស្ថានភាពជួរមុខដ៏គួរឲ្យសោកសៅសម្រាប់លោក ហ្សេឡិនស្គី Zelensky ។ ពួកគេនឹងមិនអាចជួយលោកបានមនោះទេ»  ដោយបានធ្វើអត្ថាធិប្បាយអំពីផែនការរបស់អគ្គលេខាធិការអង្គការណាតូ ក្នុងការបន្តការបញ្ជូនអាវុធទៅឲ្យអ៊ុយក្រែន។ 

យោងតាមសមាជិកសភារូបនេះ សកម្មភាពរបស់មេដឹកនាំសហភាពអឺរ៉ុប និងអង្គការណាតូ មានទំនាក់ទំនងតិចតួច ក្នុងការដោះស្រាយជម្លោះអ៊ុយក្រែន។ លោកបានលើកឡើងថា ពួកគេកំពុងស្វែងរកការរារាំងសន្តិភាពក្នុងប្រទេសអ៊ុយក្រែន សម្រាប់ជាប្រយោជន៍នៃមហិច្ឆតារបស់ពួកគេប៉ុណ្ណោះ។

លោក Slutsky បានបន្ថែមថា៖«មេដឹកនាំណាតូ និងសហភាពអឺរ៉ុប ដែលបានបត់បង់ឥទ្ធិពលនយោបាយពិភពលោក ដោយសារគោលនយោបាយប្រឆាំងរុស្ស៊ីរបស់ពួកគេ មើលទៅហាក់ថយចុះនូវកិច្ចប្រឹងប្រែង របស់ពួកគេ ដើម្បីធ្វើឲ្យបានល្អប្រសើរជាងការជំរុញផ្នែកនយោបាយ រវាងរស្ស៊ីនិងសហរដ្ឋអាមេរិក»។