​អង់គ្លេស៖ យុវជន ​២​នាក់​ត្រូវបាន​ចាប់ខ្លួន​នៅក្នុង​ចក្រភព​អង់គ្លេស ជា​ផ្នែក​មួយ​នៃ​ការស៊ើបអង្កេត​ជាប់​ពាក់ព័ន្ធ​ករណី​ចាប់​មនុស្ស​ជា​ចំណាប់ខ្មាំង នៅ​វិហារ​អ៊ីស្លាម ឬ​ស៊ូ​រ៉ាវក្នុង​រដ្ឋ​តិច​សាស់​សហរដ្ឋអាមេរិក​កាលពី​ថ្ងៃ​សៅរ៍​។ ​យោង​តាម​ក្រុមមន្ត្រី​អនុវត្តន៍​ច្បាប់​បាន​ឲ្យ​ដឹង​ថា ចំណាប់ខ្មាំង​មួយចំនួន​ដែល​ត្រូវបាន​គេ​ចាប់​នៅ​ក្នុង​វិហារ​អ៊ីស្លាម​រដ្ឋ​តិច​សាស់មាន​សុវត្ថិភាព​ទេ​។

ពលរដ្ឋ​អង់គ្លេស​ឈ្មោះ Malik Faisal Akram វ័យ​ ២៤​ឆ្នាំ​មកពី​ទីក្រុង Blackburn ត្រូវបាន​បាញ់​សម្លាប់​បន្ទាប់ពី​បាញ់​តបត​ជាមួយ​នគរបាល​ក្នុង​ទីក្រុង Colleyville នៃ​រដ្ឋ​តិច​សាស់​។​ ពុំ​មាន​ការ​បង្ហាញ​ពី​ព័ត៌មាន​លម្អិត​នៃ​អាយុ ឬ​ភេទរបស់​អ្នក​ទាំង ​២ ​ដែល​ត្រូវបាន​ចាប់ខ្លួននៅក្នុងភាគ​ខាងត្បូង​ទីក្រុង Manchester របស់​អង់គ្លេស​កាលពី​ល្ងាច​ថ្ងៃអាទិត្យ​នោះ​ទេ​។ ​ន​របាល​ក្រុង Manchester និយាយថា ខ្លួន​កំពុងធ្វើការ​ជាមួយ​សហគមន៍​ក្នុង​តំបន់ និង​បន្ត​ជួយ​សហរដ្ឋអាមេរិក​ក្នុងការ​ស៊ើបអង្កេត​ករ​ណី​នេះ​។ យោងតាម​ប្រភពពី​នគរបាល​សហរដ្ឋអាមេរិកឲ្យដឹងថា ជន​ល្មើស Akram បាន​មកដល់​ប្រទេស​នេះតាម​អាកាសយានដ្ឋានអន្តរជាតិ JFK របស់​ទីក្រុង New York កាល​ពី​សប្ដាហ៍​មុន​៕

អត្ថបទ៖ សុខមាន