ប្រធានក្លិបទំនាក់ទំនងវប្បធម៌ក្រិក-រុស្ស៊ី លោក Dialogos Theodoros Ignatiadis បានប្រាប់ទីភ្នាក់ងារសារព័ត៌មានTASSថា សហភាពអឺរ៉ុប បានខាតបង់ប្រាក់ច្រើនជាងមួយសែនកោដិអឺរ៉ូរួចហើយ ពីការដាក់ទណ្ឌកម្មប្រឆាំងរុស្ស៊ីលើវិស័យថាមពល។

លោក Ignatiadis បាននិយាយថា៖«អឺរ៉ុបកំពុងបាត់បង់រួចហើយ៖ ការខាតបង់សរុបពីទណ្ឌកម្មប្រឆាំង   រុស្ស៊ីរបស់សហភាពអឺរ៉ុបទៅលើធនធានថាមពលលើសពីមួយសែនកោដិអឺរ៉ូ ទាំងនេះ គឺជាទិន្នន័យត្រឹមត្រូវពីEU។

អ្នកជំនាញរូបនេះ បានកត់សម្គាល់ឃើញថា៖«បណ្តាប្រទេសនៅអឺរ៉ុប បានបាត់បង់មួយសែនកោដិអឺរ៉ូ ដោយកាត់បន្ថយការទិញធនធានថាមពលរបស់រុស្ស៊ី ហើយងាកមកទិញឧស្ម័នធម្មជាតិរាវរបស់អាមេ    រិកវិញ។ បរិមាណនេះ នឹងកើនឡើង ហើយវាមិនមែនជាគោលការណ៍ទៀតទេថា តើវាឡើងដល់ ១,៥ សែនកោដិអឺរ៉ូឬអត់។ អ្វីៗទាំងអស់នេះ មិនមានសារៈសំខាន់ជាក់ស្តែងទេ ពីព្រោះឧស្សាហកម្មអឺរ៉ុប នឹងគាំងដំណើរការ ក្រោមតម្លៃអគ្គិសនីដែលមានតម្លៃខ្ពស់ជាងថាមពលរបស់រុស្ស៊ីពី ៤ ទៅ ៥ដង ដោយមានអ្នកប្រកួតប្រជែងគឺអាមេរិក ចិននិងរស្ស៊ី។ ការទិញធនធានថាមពល នឹងចាប់ផ្តើមធ្លាក់ចុះ ការផលិតថាមពល និងតម្រូវការថាមពល នៅក្នុងសហភាពអឺរ៉ុប នឹងចាប់ផ្តើមធ្លាក់ចុះ។