មេដឹកនាំបក្សប្រឆាំងអ៊ីស្រាអែល លោក Yair Lapid នៅថ្ងៃអង្គារនេះ បានគាំទ្រការអំពាវនាវឲ្យមានកូដកម្មទូទៅមួយ ក្នុងការសាមគ្គីភាពជាមួយចំណាប់ខ្មាំង ដែលត្រូវបានគេឃុំខ្លួន នៅតំបន់ហ្កាហ្សា។

លោក Lapid បានបង្ហោះនៅលើបណ្តាញសង្គម Xថា៖«កូដកម្មនៅថ្ងៃអាទិត្យ»  ដោយនិយាយថា ទោះបីជាអ្នកគាំទ្ររដ្ឋាភិបាលបច្ចុប្បន្នក្តី គួរតែចូលរួមដែរ ហើយទទូចថា នេះ គឺមិនមែនជាគណបក្សនយោបាយទេ។

ថ្ងៃអាទិត្យ គឺជាថ្ងៃដំបូងនៃសប្តាហ៍ធ្វើការ នៅអ៊ីស្រាអែល។

«កូដកម្មកើតចេញសាមគ្គីភាព។ កូដកម្មដោយសារតែក្រុមគ្រួសារ បានស្នើសុំ ហើយនោះ គឺជាហេតុផលគ្រប់គ្រាន់។ កូដកម្មដោយសារតែគ្មាននរណាម្នាក់ មានសិទ្ធិផ្តាច់មុខលើអារម្មណ៍ ការទទួលខុសត្រូវទៅវិញទៅមក និងតម្លៃរបស់ជនជ្វីហ្វទេ។

ការបង្ហោះរបស់លោក Lapid បានធ្វើតាមការអំពាវនាវកាលពីថ្ងៃអាទិត្យ ដោយឪពុកម្តាយប្រហែល ២០នាក់របស់ចំណាប់ថ្នូរ ដែលត្រូវបានឃុំខ្លួនដោយក្រុមសកម្មប្រយុទ្ធប៉ាឡេស្ទីន នៅក្នុងតំបន់ហ្កាហ្សាស្ទ្រីប សម្រាប់កូដកម្ម។

កាលពីថ្ងៃចន្ទ វេទិកាចំណាប់ថ្នូរ និងគ្រួសារបាត់ខ្លួន ដែលជាក្រុមតំណាងដ៏សំខាន់សម្រាប់សាច់ញាតិ បានគាំទ្រគំនិតនេះ។