ក្រសួងរតនាគារបាននិយាយកាលពីថ្ងៃអង្គារ (១២ សីហា) ថា ឱនភាពថវិការបស់រដ្ឋាភិបាលសហរដ្ឋអាមេរិក បានកើនឡើងជិត ២០% ក្នុងខែកក្កដា ដល់ចំនួន ២៩១ពាន់លានដុល្លារ បើទោះបីជាចំណូលពីការប្រមូលពន្ធគយកើនឡើងជិត ២១ពាន់លានដុល្លារ ពីពន្ធរបស់លោកប្រធានាធិបតី Donald Trump ក៏ដោយ ខណៈការចំណាយកើនឡើងលឿនជាងការចំណេញ។

ទិន្នន័យបង្ហាញថា ឱនភាពសម្រាប់ខែកក្កដាកន្លងទៅ បានកើនឡើង ១៩% ឬ ៤៧ពាន់លានដុល្លារ ពីតួលេខខែកក្កដា ឆ្នាំ២០២៤ ដល់ចំនួនសរុប ២៩១ពាន់លានដុល្លារ។ ការចំណាយទូទាត់សម្រាប់ខែដដែលនោះបានកើនឡើង ២% ឬ ៨ពាន់លានដុល្លារ ដល់ចំនួន ៣៣៨ពាន់លានដុល្លារ ខណៈការចំណាយសរុបកើនឡើង ១០% ឬ ៥៦ពាន់លានដុល្លារ ដល់កម្រិត ៦៣០ពាន់លានដុល្លារ ដែលជាកំណត់ត្រាខ្ពស់បំផុតសម្រាប់ខែកក្កដា។

ខែខែកក្កដាឆ្នាំនេះមានថ្ងៃធ្វើការតិចជាងឆ្នាំមុន ដូច្នេះក្រសួងរតនាគារបាននិយាយថា ការកែតម្រូវភាពខុសគ្នានឹងធ្វើឱ្យចំណូលកើនឡើងប្រហែល ២០ពាន់លានដុល្លារមកវិញ ដែលបណ្តាលឱ្យឱនភាពធ្លាក់ទៅនៅប្រហែល ២៧១ពាន់លានដុល្លារ។

លោក Trump បានអួតសរសើរពីទឹកប្រាក់រាប់ពាន់លានដុល្លារដែលហូរចូលទៅក្នុងទ្រព្យសម្បត្តិរបស់សហរដ្ឋអាមេរិក ដោយសារតែពន្ធគយរបស់លោក ប៉ុន្តែពន្ធកាតព្វកិច្ចទាំងនោះត្រូវបានបង់ដោយក្រុមហ៊ុនដែលនាំចូលទំនិញ ហើយបន្ទុកចំណាយមួយចំនួនជារឿយៗបានបញ្ជូនទៅអ្នកប្រើប្រាស់ក្នុងទម្រង់តម្លៃទំនិញឡើងខ្ពស់៕