នៅថ្ងៃពុធនេះ យោធាឥណ្ឌូនេស៊ី បានរៀបចំពិធីមួយនៅក្នុងរដ្ឋធានីហ្សាកាតា មុនពេលដាក់ពង្រាយសមាជិករបស់ខ្លួន ដើម្បីទម្លាក់ជំនួយមនុស្សធម៌ពីលើអាកាសទៅកាន់តំបន់ហ្កាហ្សា ។

លោក Tri Budi Utomo គឺជាអគ្គលេខាធិការក្រសួងការពារជាតិឥណ្ឌូនេស៊ី និយាយថា បេសកកម្មនេះដែលបានធ្វើឡើងក្រោមការបង្គាប់បញ្ជារពីប្រធានាធិបតីឥណ្ឌូនេស៊ីលោក Prabowo Subianto មានគោលបំណងចែកចាយជំនួយ ៨០០តោន តាមរយៈប្រតិបត្តិការទម្លាក់ពីលើអាកាសចេញពីប្រទេសហ៊្សកដានី ។

ដោយឡែក មេបញ្ជាការយោធាឥណ្ឌូនេស៊ីលោក Agus Subiyanto និយាយថា បេសកកម្មនេះ មានគុណតម្លៃយុទ្ធសាស្រ្ត គាប់ជួននឹងខួបលើកទី ៨០របស់ឥណ្ឌូនេស៊ី ។ សន្ទុះមួយនេះ ក្រើនរំឭកថា ឯករាជ្យមិនត្រឹមតាមរយៈការការពារអធិបតេយ្យភាពជាតិប៉ុណ្ណោះទេ ប៉ុន្តែវាជួយប្រទេសផ្សេងទៀតផងដែរ ដែលតស៊ូដើម្បីជីវិតសុខសាន្ត និងឯករាជ្យរបស់ពួកគេ ។

សង្រ្គាមហ្គាហ្សា បានផ្ទុះឡើងកាលពីថ្ងៃទី ៧ ខែតុលា ឆ្នាំ ២០២៣ ពេលដែលក្រុមជីវពលហាម៉ាស់ វាយប្រហារឆ្លងកាត់ព្រំដែនចូលទៅកាន់តំបន់ភាគខាងត្បូងអ៊ីស្រាអែល ដោយបានសម្លាប់មនសុ្ស ១.២០០នាក់ និងចាប់ចំណាប់ថ្នូរ ២៥១នាក់ ។

ការវាយប្រហារតាមជើកគោក និងច្រកអាកាសរបស់អ៊ីស្រាអែលលើក្រុមហាម៉ាស់នៅតំបន់ហ្កាហ្សា ចាប់តាំងពីពេលនោះមក បានសម្លាប់មនុស្សជាង ៦១.០០០នាក់ ៕