ប្រធានាធិបតីបារាំង លោក Emmanuel Macron កាលពីថ្ងៃពុធ (ទី១៣ ខែសីហា) បាននិយាយថា ប្រធានាធិបតីអាមេរិក លោក Donald Trump បានបង្ហាញឆន្ទៈចំពោះមេដឹកនាំអឺរ៉ុបថា សហរដ្ឋអាមេរិក និងសម្ព័ន្ធមិត្តផ្សេងទៀត គួរតែជាផ្នែកនៃការផ្តល់ការធានាសន្តិសុខ សម្រាប់អ៊ុយក្រែន ដើម្បីបញ្ចប់សង្រ្គាមរបស់រុស្ស៊ី នៅអ៊ុយក្រែន។

លោក Macron បានប្រាប់ថា លោក Trump អំឡុងការជជែកតាមទូរសព្ទជាមួយបណ្ដាមេដឹកនាំអឺរ៉ុប និងប្រធានាធិបតីអ៊ុយក្រែន លោក Volodymyr Zelenskyy បានច្រានចោលយ៉ាងច្បាស់លាស់ថា ទីក្រុង Kyiv មិនត្រូវចូលរួមជាមួយសម្ព័ន្ធមិត្តអង្គការណាតូ ដោយចាត់ទុកថា វាជាឧបសគ្គដ៏ធំ ក្នុងការឈានដល់កិច្ចព្រមព្រៀងសន្តិភាពណាមួយជាមួយរុស្ស៊ី។

កាលពីថ្ងៃពុធ លោក Macron ដែលកំពុងសម្រាកលំហែកាយនៅភាគខាងត្បូងនៃប្រទេសបារាំង បានធ្វើការកត់សម្គាល់ទៅកាន់អ្នកកាសែត នៅគេហដ្ឋានរដូវក្ដៅរបស់លោក។ ប្រតិចារិកត្រូវបានចេញផ្សាយនៅយប់ថ្ងៃនោះដោយវិមានប្រធានាធិបតី៕