រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយថា អាជ្ញាធរអ៊ីរ៉ង់ កំពុងសហការជាមួយតំណាងរុស្ស៊ី និងចិន ដើម្បីរារាំងសហភាពអឺរ៉ុបពីការដាក់ទណ្ឌកម្ម លើទីក្រុងតេអេរ៉ង់។

ទូរទស្សន៍ Al Hadath បានដកស្រង់សម្តីលោក Araghchi ដែលបាននិយាយដោយមិនបានផ្តល់នូវព័ត៌មានលម្អិតថា៖«យើងកំពុងធ្វើការជាមួយទីក្រុងមូស្គូ និងទីក្រុងប៉េកាំង ដើម្បីជៀសវាងការដាក់ទណ្ឌកម្មអឺរ៉ុប ដែលអាចកើតមាន»។

នាពេលមុននេះ សារព័ត៌មាន Axios បានរាយការណ៍ដោយដកស្រង់ប្រភពថា សហរដ្ឋអាមេរិក អង់គ្លេស អាល្លឺម៉ង់ និងបារាំង បានព្រមព្រៀងគ្នាកំណត់ចុងខែសីហា ឆ្នាំ ២០២៥ ជាថ្ងៃកំណត់ ដើម្បីបញ្ចប់កិច្ចព្រមព្រៀងនុយក្លេអ៊ែរជាមួយអ៊ីរ៉ង់។ បើមិនដូច្នោះទេ ប្រទេសអឺរ៉ុបទាំងបី គ្រោងនឹងចាប់ផ្តើមយន្តការដាក់ទណ្ឌកម្ម ដែលនឹងដាក់ទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិឡើងវិញប្រឆាំងនឹង     ទីក្រុងតេអេរ៉ង់ ដែលត្រូវបានដកចេញ ក្រោមកិច្ចព្រមព្រៀងឆ្នាំ ២០១៥ ។ កាលពីថ្ងៃទី ០៦ ខែសីហា លោក Araghchi បានកត់សម្គាល់ថា ផលវិបាកនៃការធ្វើឲ្យយន្តការដាក់ទណ្ឌកម្មនេះ ដំណើរការឡើងវិញសម្រាប់អ៊ីរ៉ង់ គឺមិនមែនជាការពិតនោះទេ។