នៅថ្ងៃសុក្រនេះ ជនប៉ាឡេស្ទីនរាប់សិបនាក់ បានជួបជុំគ្នានៅក្រៅផ្ទះបាយស៊ុបបណ្តោះអាសន្ន ស្ថិតក្នុងទីក្រុងហ្កាហ្សា ដោយពួកគេជាច្រើននាំគ្នាកាន់ឆ្នាំងទទេរ ដោយសង្ឃឹមថានឹងទទួលបានចំណែកអាហារខ្លះ ស្របពេលជួបកង្វះខាតស្បៀងអាហារ ។

រយៈពេល ២២ខែនៃការវាយប្រហាររបស់អ៊ីស្រាអែលនៅក្នុងតំបន់ហ្កាហ្សា អ្នកស្រុកកំពុងជួបវិបត្តិអត់ឃ្លានកាន់តែធ្ងន់ធ្ងរខ្លាំង ។

មនុស្ស ៤នាក់ បានស្លាប់ដោយសារភាពអត់ឃ្លាន និងកង្វះអាហារូបត្ថម្ភនៅដែនដីមួយនេះ ក្នុងរយៈពេល ២៤ឆ្នាំកន្លងមកនេះ គិតត្រឹមថ្ងៃព្រហស្បតិ៍ ធ្វើឲ្យចំនួនមនុស្សស្លាប់ដោយសារភាពអត់ឃ្លានចាប់តាំងពីសង្រ្គាមផ្ទុះឡើង កើនឡើងដល់ ២៣៩នាក់ ក្នុងនោះរួមទាំងកុមារ ១០៦នាក់ផងដែរ ។ 

សូមបញ្ជាក់ថា សង្រ្គាមហ្គាហ្សា បានផ្ទុះឡើងកាលពីថ្ងៃទី ៧ ខែតុលា ឆ្នាំ ២០២៣ ពេលដែលក្រុមជីវពលហាម៉ាស់ វាយប្រហារឆ្លងកាត់ព្រំដែនចូលទៅកាន់តំបន់ភាគខាងត្បូងអ៊ីស្រាអែល ដោយបានសម្លាប់មនសុ្ស ១.២០០នាក់ និងចាប់ចំណាប់ថ្នូរ ២៥១នាក់ ។

ការវាយប្រហារតាមជើកគោក និងច្រកអាកាសរបស់អ៊ីស្រាអែលលើក្រុមហាម៉ាស់នៅតំបន់ហ្កាហ្សា ចាប់តាំងពីពេលនោះមក បានសម្លាប់មនុស្សជាង ៦១.០០០នាក់ ៕