អង្គការលើកលែងទោសអន្តរជាតិនៅថ្ងៃចន្ទនេះ បានចោទប្រកាន់អ៊ីស្រាអែលថា បានអនុវត្ត«គោលនយោបាយដោយចេតនា»នៃការបង្អត់អាហារ នៅតំបន់ហ្កាហ្សា ខណៈដែលអង្គការសហប្រជាជាតិ និងក្រុមផ្តល់ជំនួយ ព្រមានអំពីទុរ្ភិក្ស នៅក្នុងទឹកដីប៉ាឡេស្ទីន។

អ៊ីស្រាអែល បានបដិសេធម្តងហើយម្តងទៀតនូវការអះអាងអំពីការបង្អត់អាហារដោយចេតនា នៅក្នុងសង្គ្រាម ដែលមានរយៈពេល ២២ខែ ខណៈពេលដែលរឹតបន្តឹងយ៉ាងខ្លាំងនូវជំនួយ ដែលត្រូវបានអនុញ្ញាតឲ្យចូលទៅក្នុងតំបន់ហ្កាហ្សាស្ទ្រីប។ 

នៅក្នុងរបាយការណ៍ដែលដកស្រង់សក្ខីកម្មរបស់ប្រជាជនប៉ាឡេស្ទីនដែលបានផ្លាស់ទីលំនៅ និងបុគ្គលិកពេទ្យដែលបានព្យាបាលកុមារខ្វះអាហារូបត្ថម្ភ អង្គការលើកលែងទោស បាននិយាយថា៖«អ៊ីស្រាអែលកំពុងអនុវត្តយុទ្ធនាការដោយចេតនានូវការបង្អត់អាហារ នៅក្នុងតំបន់ហ្កាហ្សាស្ទ្រីប។

ក្រុមនេះបានចោទប្រកាន់អ៊ីស្រាអែលថា «បានបំផ្លាញជាប្រព័ន្ធនូវសុខភាព សុខុមាលភាព និងបណ្តាញទំនាក់ទំនងសង្គមរបស់ប្រជាជនប៉ាឡេស្ទីន»។