រដ្ឋមន្ត្រីការបរទេសយេម៉ែន លោកបណ្ឌិត Shaya al-Zindani បានចោទប្រកាន់កងជីវពលហ៊ួទី ដែលគាំទ្រដោយអ៊ីរ៉ង់ថា បានរារាំងកិច្ចខិតខំប្រឹងប្រែងរបស់បេសកជនអង្គការសហប្រជាជាតិ លោក Hans Grundberg ដើម្បីសម្រេចបានសន្តិភាព នៅក្នុងប្រទេសនេះ។

នៅក្នុងបទសម្ភាសន៍ជាមួយសារព័ត៌មាន Asharq Al-Awsat លោកបាននិយាយថា ក្រុមសកម្មប្រយុទ្ធកំពុងស្វែងរកការបង្កភាពចលាចល នៅក្នុងប្រទេសយេម៉ែន ខណៈពេលដែលដំណើរការសន្តិភាព ត្រូវបានបង្កកដោយប្រសិទ្ធភាព ដោយសារតែអ៊ីរ៉ង់កំពុងជំរុញឲ្យក្រុមហ៊ួទី បដិសេធសន្តិភាព និងធ្វើឲ្យសង្គ្រាមអូសបន្លាយពេលយូរ។

លោកបានបន្ថែមថា៖«ជាអកុសល ក្នុងនាមជាផ្នែកមួយនៃរដ្ឋាភិបាល យើងមិនយល់ថា ក្រុមហ៊ួទីមានបំណងប្រាថ្នាចង់សម្រេចបានសន្តិភាព និងបញ្ចប់សង្រ្គាមនោះទេ។ ពួកគេរស់នៅដើម្បីសង្រ្គាម»។

រដ្ឋាភិបាលស្របច្បាប់នេះ «បានយល់ព្រមចំពោះគំនិតផ្តួចផ្តើមទាំងអស់ដែលត្រូវបានបង្ហាញដោយមិត្តភ័ក្តិ និងបងប្អូន ប៉ុន្តែក្រុមហ៊ួទី មិនបានទទួលយកពួកគេទេ»។

លោកបានបន្ទោសអ៊ីរ៉ង់ចំពោះការលើកទឹកចិត្តក្រុមហ៊ួទីឲ្យបន្តការបះបោររបស់ខ្លួន។

នៅលើរបាយការណ៍អំពីការប៉ុនប៉ងលើជីវិតរបស់ Grundberg លោក Zindani បាននិយាយថា «មានកិច្ច ខិតខំប្រឹងប្រែង ដើម្បីរារាំងការងាររបស់លោក ហើយធ្វើឲ្យយើងធ្លាក់ចូលទៅក្នុងភាពវឹកវរ»។