ភ្លៀងធ្លាក់ខ្លាំង បានបង្កការជន់លិចធ្ងន់ធ្ងរនៅទីក្រុងភាគខាងលិចម៉ុមបៃ និងរដ្ឋភាគខាងជើង Uttar Pradesh ប្រទេសឥណ្ឌានាថ្ងៃចន្ទនេះ ។

ទឹកបានហូរចូលលំនៅដ្ឋានប្រជាពលរដ្ឋ និងជន់លិចផ្លូវថ្នល់ ធ្វើឲ្យប៉ះពាល់ដល់ការធ្វើចរាចរណ៍ ។ ក្រុមអាជ្ញាធរ បានប្រើប្រាស់ម៉ាស៊ីនបូមទឹក ដើម្បីបូមទឹកចេញពីលំនៅដ្ឋានប្រជាពលរដ្ឋ និងដងផ្លូវ ។

ខណៈពេលនោះដែរ មនុស្សយ៉ាងហោច ៧នាក់ ត្រូវបានសម្លាប់ក្រោយបំណាក់ដីវាយប្រហារតំបន់កាស្មៀ ។

ឧបទ្ទេវហេតុមួយនេះ បានកើតមានឡើង បន្ទាប់ពីទឹកជំនន់ដ៏គំហុក និងទឹកជំនន់បានសម្លាប់មនុស្សរាប់សិបនាក់កាលពីថ្ងៃសុក្រសប្តាហ៍មុន ។

សូមបញ្ជាក់ថា រដូវវស្សាចាំបាច់សម្រាប់ប្រទេសឥណ្ឌា ដែលភាគច្រើននៃប្រជាពលរដ្ឋរបស់ពួកគេពឹងផ្អែកលើវិស័យកសិកម្ម ប៉ុន្តែទោះបីជាយ៉ាងណាក៏ដោយ ភ្លៀងធ្លាក់ហួសប្រមាណ តែងតែបង្កឲ្យកើតមានទឹកជំនន់ និងបំណាក់ដីស្លាប់មនុស្សផងដែរ ៕