ក្រសួងការបរទេសចិន និយាយនៅថ្ងៃចន្ទនេះថា ទីក្រុងប៉េកាំង រំពឹងថា ភាគីពាក់ព័ន្ធទាំងអស់នៅក្នុងវិបត្តិអ៊ុយក្រែន នឹងចូលរួមកិច្ចប្រជុំសន្តិភាពដែលមានគោលបំណងទទួលបានកិច្ចព្រមព្រៀងជារៀងរហូត ដែលត្រូវបានទទួលយកដោយភាគីទាំងអស់ ។

ក្រុមមេដឹកនាំអឺរ៉ុបនឹងចូលរួមជាមួយប្រធានាធិបតីអ៊ុយក្រែនលោក Volodymyr Zelenskiy សម្រាប់ជំនួបជាមួយប្រធានាធិបតីសហរដ្ឋអាមេរិកលោក Donald Trump នៅទីក្រុងវ៉ាស៊ីនតោននាថ្ងៃចន្ទ បន្ទាប់ពីជំនួបកំពូលរបស់ប្រធានាធិបតីសហរដ្ឋអាមេរិកជាមួយប្រធានាធិបតីរុស្ស៊ីលោក Vladimir Putin នៅរដ្ឋ Alaska កាលពីថ្ងៃសុក្រសប្តាហ៍មុន ។

ពាក់ព័ន្ធនឹងជំនួបកំពូលរបស់លោក Trump និងលោក Putin អ្នកនាំពាក្យក្រសួងការបរទេសចិនអ្នកស្រី Mao Ning និយាយថា ទីក្រុងប៉េកាំងគាំទ្ររាល់កិច្ចខិតខំទាំងអស់ សម្រាប់ដំណោះស្រាយសន្តិភាពនៃវិបត្តិអ៊ុយក្រែន ។

អ្នកស្រីបន្តថា ពួកយើងពេញចិត្តនឹងមើលឃើញរុស្ស៊ី និងសហរដ្ឋអាមេរិក រក្សាការប្រាស្រ័យទាក់ទងគ្នា ដើម្បីធ្វើឲ្យល្អប្រសើរឡើងទំនាក់ទំនងរបស់ពួកគេ និងលើកកម្ពស់ដំណើរការស្វែងរកដំណោះស្រាយសន្តិភាពក្នុងវិបត្តិអ៊ុយក្រែន ៕