ក្រុមសកម្មជនទីបេតិ៍និរទេសខ្លួននៅក្នុងរដ្ឋធានីញូវ ដ្លែល្លី ប្រទេសឥណ្ឌានៅថ្ងៃអង្គារនេះ នាំគ្នាទាមទារសេរីភាពសម្រាប់តំបន់ទីបេតិ៍ ស្របពេលដំណើរទស្សនកិច្ចរបស់រដ្ឋមន្រ្តីការបរទេសចិនលោក Wang Yi មកកាន់ប្រទេសមួយនេះ សម្រាប់កិច្ចប្រជុំជាមួយទីប្រឹក្សាសន្តិសុខជាតិឥណ្ឌាលោក Ajit Doval ។

ដោយជួបជុំគ្នានៅក្រៅបរិវេនជំនួប ក្រុមបាតុករនាំគ្នាអង្គុយនៅលើផ្លូវ ពេលដែលពួកគេស្រែកពាក្យស្លោកប្រឆាំងចិន មុនពេលនគរបាលចូលទៅឃាត់ខ្លួនពួកគេ ។

លោក Wangកំពុងបំពេញដំណើរទស្សនកិច្ចនៅប្រទេសឥណ្ឌា សម្រាប់ជុំទី ២៤នៃជំនួបព្រំដែនជាមួយលោក Modi ហើយលោកគ្រោងនឹងជួបជាមួយនាយករដ្ឋមន្រ្តីឥណ្ឌាលោក Narendra Modi ផងដែរនៅថ្ងៃអង្គារនេះ រយៈពេលប៉ុន្មានថ្ងៃប៉ុណ្ណោះ មុនពេលលោក Modiធ្វើដំណើរទៅកាន់ប្រទេសចិន សម្រាប់ជំនួបកំពូលអង្គការសហប្រតិបត្តិការក្រុងសៀងហៃ ។

គេប៉ាន់ប្រមាណថាប្រទេសឥណ្ឌាមានពុទ្ធសាសនិកទីបេតិ៍និរទេសខ្លួនរាប់ពាន់នាក់ ដែលកំពុងសិក្សា និងធ្វើការដោយសេរីនៅទីនោះ ៕