នៅថ្ងៃអង្គារនេះ រដ្ឋមន្រ្តីការបរទេសរុស្ស៊ីលោក Sergei Lavrov និយាយថា ច្បាស់ណាស់ថា នៅជំនួបកំពូលកាលពីថ្ងៃសុក្រក្នុងរដ្ឋ Alaska ប្រធានាធិបតីសហរដ្ឋអាមេរិកលោក Donald Trump និងក្រុមរបស់លោក ចង់សម្រេចឲ្យបានសន្តិភាពយូរអង្វែង និងប្រកបដោយនិរន្តរភាពនៅអ៊ុយក្រែន ។

លោក Lavrov និយាយថា បរិយាកាសនៅជំនួបកំពូលរបស់លោក Putin និងលោក Trump គឺល្អខ្លាំងណាស់ ។

លោកនិយាយប្រាប់ទូរទស្សន៍រដ្ឋ Rossiya 24 ថា វាច្បាស់ណាស់ថា ប្រមុខដឹកនាំសហរដ្ឋអាមេរិក និងក្រុមរបស់លោក ចង់សម្រេចឲ្យបានលទ្ធផលដែលនាំឲ្យមានសន្តិភាពយូរអង្វែង និងប្រកបដោយនិរន្តរភាពពិតប្រាកដ ។

លោក Lavrov បាននិយាយពីភាពខុសគ្នាស្រឡះពីគោលជំហរប្រកបដោយលក្ខណៈស្ថាបនារបស់សហរដ្ឋអាមេរិកទៅនឹងអឺរ៉ុប ដែលមេដឹកនាំរបស់ពួកគេមួយចំនួន បានចូលរួមជំនួបកំពូលវិសាមញ្ញនៅឯសេតវិមានកាលពីថ្ងៃចន្ទជាមួយលោក Trump និងប្រធានាធិបតីអ៊ុយក្រែនលោក Volodymyr Zelenskiy ដើម្បីពិភាក្សាលើបញ្ហាសង្រ្គាមអ៊ុយក្រែន ។

លោកថា អឺរ៉ុបបាននិយាយយ៉ាងទទួចរៀងរាល់លើកថា មានតែបទឈប់បាញ់មួយគត់ប៉ុណ្ណោះ ហើយក្រោយមក ពួកគេនឹងបន្តផ្គត់ផ្គង់អាវុធដល់អ៊ុយក្រែន ៕