មន្ត្រីអ៊ីស្រាអែលបាននិយាយថា អ៊ីស្រាអែលកំពុងទាមទារឲ្យដោះលែងចំណាប់ខ្មាំងទាំង ៥០ នាក់ដែលត្រូវបានឃុំខ្លួនក្នុងតំបន់ហ្កាហ្សា ដោយបង្ហាញការសង្ស័យថាតើខ្លួននឹងទទួលយកសំណើថ្មីសម្រាប់បទឈប់បាញ់រយៈពេល ៦០ ថ្ងៃដែលក្រុមហាម៉ាសបានយល់ព្រមកាលពីថ្ងៃចន្ទឬអត់។

សំណើដែលដាក់ចេញដោយកាតា និងអេហ្ស៊ីប នឹងមើលឃើញការដោះលែងចំណាប់ខ្មាំងប្រហែលពាក់កណ្តាល ហើយគឺស្ទើរតែដូចគ្នាទៅនឹងសំណើរបស់អាមេរិកដែលអ៊ីស្រាអែលបានទទួលយកកាលពីកន្លងទៅ នេះបើយោងតាមកាតា។  

អ៊ីស្រាអែលមិនបានបដិសេធយ៉ាងច្បាស់ទេ ប៉ុន្តែអ្នកនាំពាក្យរដ្ឋាភិបាលអ៊ីស្រាអែលលោក David Mencer បានប្រាប់ទូរទស្សន៍ BBC ថា ខ្លួនមិនចាប់អារម្មណ៍លើកិច្ចព្រមព្រៀងដោយផ្នែកទេ។  

លោក Mencer បាននិយាយថា អ្វីៗបានផ្លាស់ប្តូរនៅពេលនេះ។ លោកនាយករដ្ឋមន្ត្រីបានដាក់ចេញនូវផែនការសម្រាប់អនាគតនៃដែនដីហ្កាហ្សា។

ប្រភពនានាពីប៉ាឡេស្ទីន បាននិយាយថា សំណើនេះនឹងមើលឃើញមនុស្ស១០នាក់ដែលនៅរស់ និងចំណាប់ខ្មាំងដែលបានស្លាប់១៨នាក់ត្រូវបានប្រគល់ឱ្យ ខណៈភាគីទាំងពីរបានចរចាលើបទឈប់បាញ់ជាអចិន្ត្រៃយ៍ និងការបញ្ជូនចំណាប់ខ្មាំងផ្សេងទៀតមកវិញ។

អ៊ីស្រាអែលជឿថាមានតែចំណាប់ខ្មាំង ២០ នាក់ប៉ុណ្ណោះក្នុងចំណោមចំណាប់ខ្មាំង ៥០ នាក់ដែលនៅរស់បន្ទាប់ពីសង្គ្រាម ២២ ខែមកនេះ។ 

កាលពីចុងសប្តាហ៍នេះ គណៈរដ្ឋមន្ត្រីអ៊ីស្រាអែលត្រូវគេរំពឹងថានឹងអនុម័តផែនការរបស់យោធាក្នុងការកាន់កាប់ទីក្រុង ហ្កាហ្សា ជាទីដែលការវាយប្រហារកាន់តែសន្ធាប់របស់អ៊ីស្រាអែល បានជំរុញឱ្យមនុស្សរាប់ពាន់នាក់ភៀសខ្លួនម្ដងហើយម្ដងទៀត៕