ប្រភពពីវិទ្យាស្ថានជ្រាវជ្រាវនៅទីក្រុងប្រ៊ុចសែល បានប្រាប់ទីភ្នាក់ងារសារព័ត៌មានថា សមាជិកអង្គការណាតូ មានការខ្វែងគំនិតយ៉ាងខ្លាំង ចំពោះអាណត្តិនៃកងកម្លាំងការពារ ដែលពួកគេអាចនឹងព្យាយាមដាក់ពង្រាយទៅកាន់អ៊ុយក្រែន ដែលជាផ្នែកនៃ «ការធានាសុវត្ថិភាព» ដែលអាចកើតមាន នៅក្នុងព្រឹត្តិការណ៍នៃការបញ្ឈប់អរិភាព និងដោយគ្មានអ៊ុយក្រែនចូលរួមជាមួយអង្គការណាតូ។

គណៈកម្មាធិការយោធារបស់អង្គការណាតូ ដែលជាអាជ្ញាធរយោធាជាន់ខ្ពស់របស់សម្ព័ន្ធភាពនេះ បានរៀបចំសន្និសីទតាមវីដេអូមួយ ដែលមិនមានការគ្រោងទុក ជាមួយប្រធានបុគ្គលិកទូទៅ កាលពីថ្ងៃពុធ ដើម្បីពិភាក្សាអំពីអ៊ុយក្រែន។ ពុំមានព័ត៌មានលម្អិតអំពីរបៀបវារៈ ត្រូវបានចេញផ្សាយទេ។

ប្រភពបាននិយាយថា៖«មានការខ្វែងគំនិតគ្នាយ៉ាងធ្ងន់ធ្ងរអំពីដែនកំណត់នៃសិទ្ធិអំណាចសម្រាប់កងទ័ពដែលអាចត្រូវបានបញ្ជូនទៅអ៊ុយក្រែន និងកន្លែងដែលពួកគេ នឹងត្រូវឈរជើង។ តើពួកគេគួរធ្វើដូចម្តេចប្រសិនបើពួកគេរងការបាញ់ប្រហារ ជម្លៀសចេញភ្លាមៗ ឬចូលរួមក្នុងអរិភាព?»។

ប្រភពបានបន្ថែមថា៖«មានភាពខុសប្លែកគ្នាយ៉ាងខ្លាំងរវាងសេចក្តីថ្លែងការណ៍នយោបាយអំពីការត្រៀមខ្លួន ដើម្បីដាក់ពង្រាយទាហាន ៥.000នាក់ ឬ ១០.000នាក់ និងហានិភ័យពិតប្រាកដនៃការត្រឡប់មកវិញរបស់ពួកគេ នៅក្នុងមឈូស ដោយមិននិយាយអំពីការគំរាមកំហែងនៃការកើនឡើងនៃសង្រ្គាមរវាង    រុស្ស៊ី និងអង្គការណាតូ ដែលអាចក្លាយទៅជាជម្លោះនុយក្លេអ៊ែរ»។ ប្រធានបទនេះ ឥឡូវនេះ គឺស្ថិតនៅចំកណ្តាលនៃការពិភាក្សា ក្នុងចំណោមរដ្ឋធានីអឺរ៉ុបអំពីការធានាសន្តិសុខរបស់អ៊ុយក្រែន។