ព្យុះសង្ឈរា Erin ដែលកំពុងបោកបក់នៅភាគខាងជើងនៃមហាសមុទ្រអាត្លង់ទិកចម្ងាយរាប់រយគីឡូម៉ែត្រពីឆ្នេរសមុទ្រ ត្រូវគេរំពឹងថានឹងបង្កឱ្យមានការកើនឡើងនៃព្យុះដ៏គ្រោះថ្នាក់ និងលក្ខខណ្ឌព្យុះត្រូពិកនៅថ្ងៃពុធ ២០ សីហា នៅតាមបណ្តោយច្រាំងសមុទ្រ Outer Banks នៃរដ្ឋ North Carolina និងផ្នែកផ្សេងទៀតនៃឆ្នេរសមុទ្រភាគខាងកើតសហរដ្ឋអាមេរិក។ 

មជ្ឈមណ្ឌលជាតិតាមដានព្យុះសង្ឃរាបានព្រមានថា ផ្លូវនានាក្នុងកោះដែលមានរបាំងទាបអាចនឹងមិនអាចឆ្លងកាត់បាន ដោយមានរលកខ្ពស់រហូតដល់៦ម៉ែត្រ វាយបោកច្រាំង។ ប្រភពដដែលបាននិយាយនៅក្នុងការធ្វើបច្ចុប្បន្នភាព នៅម៉ោង៨ព្រឹករបស់ខ្លួនថា ការវាយបោកច្រាំងយ៉ាងខ្លាំងទំនងជាបណ្តាលឱ្យមានសំណឹកឆ្នេរគួរឱ្យកត់សម្គាល់។ 

អភិបាលរដ្ឋ North Carolina លោក Josh Stein បានប្រកាសដាក់រដ្ឋក្នុងគ្រាអាសន្នកាលពីថ្ងៃអង្គារសប្ដាហ៍នេះ ដោយបានបញ្ចេញថវិការដ្ឋ និងកម្លាំងមនុស្ស ដើម្បីជួយក្នុងអំឡុងពេលព្យុះ និងផលវិបាកនានាបណ្ដាលមកពីព្យុះសង្ឈរានេះ។

ការព្រមានពីព្យុះត្រូពិក និងការកើនឡើងនៃព្យុះនេះ ត្រូវបានធ្វើឡើងសម្រាប់ផ្នែកផ្សេងទៀតនៃឆ្នេរសមុទ្រ រដ្ឋ North Carolina ៕