​​វាយ​កូន​បាល់៖ ​កីឡាការិនី​វាយ​កូន​បាល់​អង់គ្លេស Emma Raducanu បានបង្ហាញ​ពី​សមត្ថភាព​អស្ចារ្យ​របស់ខ្លួន​ក្នុងការ​បង្ហាញខ្លួន​លើកដំបូង​ក្នុង​ព្រឹត្តិការណ៍ Grand Slam, Australian Open ក្រោយ​យកឈ្នះ​កីឡាការិនី​អាមេរិក Sloane Stephens ដែល​គេ​ស្គាល់​ថា Serena Williams តូច​។

​​អតីត​ជើងឯក US Open, Emma Raducanu បាន​យកឈ្នះ​សិត​ដំបូង​មិន​លំបាក ៦-០ តែ Sloane Stephens ក៏​ឆ្លើយតប​វិញ​ក្រោយ​យកឈ្នះ ៦-២ វិញ​នៅ​សិត​ទី​ពីរ​។ ​យ៉ាងណាក្តី​កីឡាការិនី​វ័យ ១៩ឆ្នាំ Raducanu បាន​យកឈ្នះ​នៅ​សិត​កាត់សេចក្តី ៦-១​។ ​ជុំ​បន្ត​កីឡាការិនី​ក្តីសង្ឃឹម​របស់​ចក្រភព​អង់គ្លេស​រូបនេះ​ នឹង​បន្ត​ជួប​ជាមួយ​កីឡាការិនី​ម៉ុង​តេ​ណេ​ក្រូ Danka Kovinic នៅ​ថ្ងៃ​ព្រហស្បតិ៍​។ ​ដោយ​ឡែក​ក្រឡេក​មក​អតីត​ជើងឯក​រង​នៅទីនេះ​កីឡាការិនី​ឆេ​ក Petra Kvitova បែរជា​បរាជ័យ​ត្រឹម​ជុំ​ទី១ មិនគួរ​ឱ្យ​ជឿ​ក្នុង​លទ្ធផល​ងាយ​ៗ ៦-២ និង ៦-២ ក្រោម​ថ្វីដៃ​កីឡាការិនី​រ៉ូ​ម៉ា​នី Sorena Cirstea ចំនាយពេល ៧២នាទី​។ ​Kvitova ដែល​តែងតែ​ជា​កីឡាការិនី​ដែល​គេ​គិតថា​ឈ្នះ​ជើងឯក Australian Open នេះ​ធ្វើឱ្យមាន​កំហុស​ដល់​ទៅ ៣៩លើក​ក្នុង​បរាជ័យ​នេះ​។

​​Kvitova បាន​និយាយ​ទាំង​សោ​កស​ង្រែ​ង​ក្រោយ​ចាញ់​ត្រឹម​ជុំ​ទី​១ នេះ​ដោយ​លើកឡើងថា​ ខ្លួន​ក៏មាន​បញ្ហា​សុខភាពដែរ​មួយរយៈ​ចុងក្រោយ​នេះ និង​មាន​ពេល​ហ្វឹកហាត់​តិចតួច​។ ​ងាក​មក​អតីត​ជើងឯក​រង​នៅ​ទី​ឆ្នាំ២០១៨ កីឡាការិនី​រ៉ូ​ម៉ា​នី Simona Halep មិនមាន​បញ្ហា​នៅ​ជុំ​ដំបូង​ទេ​ដោយ​យកឈ្នះ​កីឡាការិនី​ប៉ូឡូញ Magdalena Frech ៦-៤ និង ៦-៣ ស្រប​ពេលដែល​កីឡាការិនី​អេ​ស្ប៉ា​ញ Gabine Muguruza យកឈ្នះ​កីឡាការិនី​បារាំង Clara Burel៕

​អត្ថបទ​៖​នាង សុភា​វុ​ធ